AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

हा शेवटचाच प्रवास ठरणार हे त्याला माहीतच नव्हतं, विमान लँडिंग करताना फेसबुक लाइव्ह; ‘त्या’ 10 सेंकदात काय घडलं?

विमान लँडिंग होताना अवघ्या दहा सेकंदात विमान जोरदार आदळलं आणि विमानाने पेट घेतला. काही कळायच्या आत ही आग प्रचंड भडकली.

हा शेवटचाच प्रवास ठरणार हे त्याला माहीतच नव्हतं, विमान लँडिंग करताना फेसबुक लाइव्ह; 'त्या' 10 सेंकदात काय घडलं?
Nepal Plane Crash Image Credit source: tv9 marathi
Follow us
| Updated on: Jan 16, 2023 | 8:38 AM

गाझीपूर: नेपाळच्या पोखरा येथे रविवारी एक विमान कोसळून विमानातील 72 पैकी 69 प्रवासी ठार झाले. यातील तिघांची अद्याप ओळख पडलेली नाही. या विमान अपघातात पाच भारतीयांचा मृत्यू झाला आहे. यातील चौघेजण उत्तर प्रदेशातील गाझीपूरमधील होते. चौघेही मित्र होते. विमान लँडिंग होण्याच्या 10 सेकंद आधीच यति एअर लाइन्सचं विमान क्रॅश झालं.

या विमान अपघातात अलवालपूर अफ्ंगा येथील सोनू जायसवाल (वय 28), विशाल शर्मा (वय 33), चकदरीया चकजैनब येथील अनिल राजभर (वय 28) आणि धरवा गावचा रहिवासी अभिषेक कुशवाहा (वय 23) याचा मृत्यू झाला. चौघेही मित्र होते. 12 जानेवारी रोजी अनिल राजभर, विशाल शर्मा आणि अभिषेक कुशवाहा तिघेही एकत्र वाराणासीवरून सारनाथला पोहोचले होते. तिथे ते सोनू जायसवालला भेटले आणि नेपाळच्या काठमांडूच्या दिशेने रवाना झाले.

हे सुद्धा वाचा

चौघेही नेपाळच्या पोखरा या पर्यटनस्थळी जाण्यासाठी निघाले होते. सकाळी काठमांडूहून फ्लाइट पकडून पोखराच्या दिशेने ते निघाले होते. मात्र, खराब हवामानामुळे पोखरा आणि काठमांडूच्या दरम्यान पोखरा विमानतळावर उतरताना विमान क्रॅश झालं.

दुर्घटनेच्या आधी सोनू जायसवाल त्याच्या मोबाईलमधून फेसबुक लाइव्ह करत होता. त्याचा हा व्हिडीओ आता सोशल मीडियावर व्हायरल होत आहे. या व्हिडीओमध्ये पिवळे टीशर्ट/ हुडी घातलेला तरुण दिसत आहे. तो सोनू जायसवाल आहे. पण त्याला काय माहीत होतं हा त्याच्या आयुष्याचा शेवटचा व्हिडीओ ठरणार आहे. शेवटचं फेसबुक लाइव्ह ठरणार आहे.

विमान लँडिंग होताना अवघ्या दहा सेकंदात विमान जोरदार आदळलं आणि विमानाने पेट घेतला. काही कळायच्या आत ही आग प्रचंड भडकली आणि विमानासहीत विमानातील प्रवाशांचा जळून कोळसा झाला.

या चौघांच्या मृत्यूची संध्याकाळी माहिती मिळताच गाझीपूरमध्ये एकच खळबळ उडाली. ग्रामस्थांनी या चारही तरुणांच्या घरी धाव घेऊन त्यांच्या कुटुंबीयांचं सांत्वन केलं. हे तरुण राहत असलेल्या गावावर सध्या शोककळा पसरली आहे.

स्थानिक जिल्हा प्रशासनाकडूनही या तरुणांच्या कुटुंबीयांना त्यांच्या मृत्यूची बातमी दिली आहे. तसेच नेपाळ सरकारशी संपर्क साधून पुढील सोपस्कार पार पाडले जात आहेत.

'त्यानं जीवाची बाजी लावली अन्', भाजप नेत्याची नजाकत भाईंसाठी खास पोस्ट
'त्यानं जीवाची बाजी लावली अन्', भाजप नेत्याची नजाकत भाईंसाठी खास पोस्ट.
उधमपूरमध्ये दहशतवाद्यांशी चकमक; अली शेख यांना वीरमरण
उधमपूरमध्ये दहशतवाद्यांशी चकमक; अली शेख यांना वीरमरण.
'उर्दूही पहिलीपासून शिकवली पाहिजे', शिंदेंच्या नेत्यानं काय म्हटलं?
'उर्दूही पहिलीपासून शिकवली पाहिजे', शिंदेंच्या नेत्यानं काय म्हटलं?.
खळबळजनक! मालेगावमध्ये 9 ठिकाणी ईडीचे छापे
खळबळजनक! मालेगावमध्ये 9 ठिकाणी ईडीचे छापे.
पहलगाममध्ये गोळ्या झाडल्या तिथे 25-30 सिलेंडर? अतिरेक्यांचा मोठा डाव?
पहलगाममध्ये गोळ्या झाडल्या तिथे 25-30 सिलेंडर? अतिरेक्यांचा मोठा डाव?.
पाणी थांबवाल तर श्वास थांबवू म्हणणारा दहशतवादी हाफिज सईद घाबरला
पाणी थांबवाल तर श्वास थांबवू म्हणणारा दहशतवादी हाफिज सईद घाबरला.
पहलगाम हल्ल्यानंतर सुरक्षा दलाची मोठी कारवाई
पहलगाम हल्ल्यानंतर सुरक्षा दलाची मोठी कारवाई.
पहलगामचं 'मिनी स्वित्झर्लंड' ओळख अन् तिथच अतिरेक्यांनी झाडल्या गोळ्या
पहलगामचं 'मिनी स्वित्झर्लंड' ओळख अन् तिथच अतिरेक्यांनी झाडल्या गोळ्या.
आता फक्त आठवणी अन् स्मशान शांतता; बैसरनमधून टीव्ही9चा ग्राऊंड रिपोर्ट
आता फक्त आठवणी अन् स्मशान शांतता; बैसरनमधून टीव्ही9चा ग्राऊंड रिपोर्ट.
बैसरन खोऱ्यातून टीव्ही9 मराठीचा ग्राऊंड रिपोर्ट
बैसरन खोऱ्यातून टीव्ही9 मराठीचा ग्राऊंड रिपोर्ट.