मोदीजी है तो मुमकिन है; आता काहीही झालं तरी या गावात वीज कधी जाणारच नाही

अहमदाबाद: पंतप्रधान नरेंद्र मोदी (Prime Minister Narendra Modi) यांनी आज गुजरातमधील मोढेरा, मेहसाणा या ठिकाणी वेगवेगळ्या प्रकल्पांचे उद्घाटन आणि पायाभरणी करण्यात आली. यादरम्यान त्यांनी मोढेरा गावाला भारतातील पहिले 24 तास, 7 दिवसांचे सौरऊर्जेचे गाव (Solar Village) म्हणूनही घोषित करण्यात आले. यावेळी पंतप्रधान नरेंद्र मोदी यांनी बोलताना सांगितले की, आज मोढेरासाठी मेहसाणा आणि उत्तर गुजरातसाठी ही विकासाची एक नवी ऊर्जा प्राप्त झाली आहे.

वीज, पाणी आणि रस्ते-रेल्वेसारख्या प्रकल्पापासून ते अगदी दुग्धव्यवसायापर्यंत अशा विविध प्रकल्पांचे उद्घाटन आणि पायाभरणी करण्यात आली आहे.

गुजरातमधील या प्रकल्पांमुळे रोजगाराच्या अनेक नवीन संधी येथे निर्माण होणार असल्याचेही पंतप्रधान नरेंद्र मोदी यांनी सांगितले.

यामुळे शेतकरी आणि पशुपालकांचे उत्पन्न वाढण्यास मदत होणार आहे. विविध प्रकल्पांची कामं सुरू झाल्याने या संपूर्ण प्रदेशात पर्यटनातील सुविधांचाही विस्तार होणार असल्याचेही त्यांनी यावेळी सांगितले.

मोढेरातील विविध विकास कामांची पायाभरणी केल्या नंतर नरेंद्र मोदी यांनी सांगितले की, या प्रकल्पाची गेल्या काही दिवसांपासून सर्वत्र चर्चा सुरू होती. त्यामुळे आता ही स्वप्नं सत्यात उतरत असल्याने आनंद होत असल्याचेही त्यांनी सांगितले.

पंतप्रधान नरेंद्र मोदी यांनी या विकासात्मक प्रकल्पामुळे आमच्या सरकारच्या विश्वासाचा आणि तंत्रज्ञानाचा एकत्र संगम झाल्याच येथे पाहायला मिळत आहे.

मोढेरातील आता अनेक गोष्टी या आधुनिकतेसाठी नवा आदर्श असतील असंही त्यांनी सांगितले. भविष्यात जेव्हा जेव्हा सौरऊर्जेबाबत कुठेही चर्चा होईल तेव्हा मोढेराचे नाव सर्वप्रथम घेतले जाईल, असे ते म्हणाले.