आता मी नसतो कोणाला भीत.. गुलीगत सूरजची नवी खेळी, सर्वांनाच करणार चित?
'बिग बॉस मराठी'चा हा नवीन सिझन दररोज रात्री 9 वाजता कलर्स मराठी वाहिनीवर आणि 'जिओ सिनेमा' या ओटीटी प्लॅटफॉर्मवर पहायला मिळेल. यंदाच्या सिझनमध्ये 16 नवीन स्पर्धक सहभागी झाले असून प्रत्येकाची खेळण्याची स्टाइल वेगळी आहे.
स्वाती वेमूल |
Updated on: Aug 01, 2024 | 12:35 PM
मराठी मनोरंजनाचा बॉस अर्थात 'बिग बॉस मराठी'चा दिमाखदार नवा सिझन नुकताच प्रेक्षकांच्या भेटीला आला आहे. यंदाच्या पर्वात एकापेक्षा एक अवली सदस्य सहभागी झाले आहेत. त्यातीलच एक चर्चेत असणारं नाव म्हणजे गुलीगत सूरज चव्हाण.
1 / 6
सोशल मीडियाच्या माध्यमातून चर्चेत असणाऱ्या सूरज चव्हाणने त्याच्या विशेष स्टाइलने प्रेक्षकांना आपलंसं केलंय. पण आता मात्र तो कोणालाही न घाबरता आपल्या स्टाइलने सर्वांना गुलीगत चीत करताना दिसून येणार आहे.
2 / 6
'बिग बॉस मराठी'चा नवा सिझन नेटकऱ्यांच्या चांगलाच पसंतीस उतरला आहे. सोशल मीडियावर नुकताच एक प्रोमो शेअर करण्यात आला आहे. या प्रोमोमध्ये सूरज हा निक्की तांबोळीला चॅलेंज करताना दिसून येत आहे.
3 / 6
निक्की सूरजला म्हणते, "तू मला चॅलेंज करतोस ना? तू विचार पण करू शकत नाही असं माझं रुप पाहशील." त्यानंतर कन्फेशन रुममध्ये 'बिग बॉस' सूरजला म्हणतो ,"तू न घाबरता खेळ".
4 / 6
बिग बॉसकडून पाठिंबा मिळाल्यानंतर सूरज म्हणताना दिसतोय, "आता मी नसतो कोणाला भीत...कारण मी आहे गुलीगत टॉपचा किंग."
5 / 6
गुलीगतचा प्रोमो सोशल मीडियावर तुफान व्हायरल होत असून त्यावर नेटकऱ्यांकडून विविध प्रतिक्रिया येत आहेत. 'तू लढ भावा, ज्यांनी केला सूरजचा नाद त्यांना तो करणार गुलीगत बाद,' असं एकाने लिहिलंय. तर 'आपला भाऊ गुलीगत, नड तू,' असं दुसऱ्याने म्हटलंय.
