Marathi News Photo gallery Samantha ex husband Naga Chaitanya To Get Engaged Today with Sobhita Dhulipala know about her who is she
चांदीच्या नादात हिरा गमावला; नाग चैतन्यवर समंथाच्या चाहत्यांची टीका, कोण आहे होणारी दुसरी पत्नी?
समंथा रुभ प्रभूचा पूर्व पती नाग चैतन्य आज साखरपुडा करणार आहे. अभिनेत्री सोभिता धुलिपालासोबत लवकरच लग्नबंधनात अडकणार आहे. ही बातमी समोर येताच समंथाच्या चाहत्यांनी नाग चैतन्यवर टीका करण्यास सुरुवात केली आहे. सोभिता नेमकी कोण आहे, ते जाणून घेऊयात..
अभिनेत्री समंथा रुथ प्रभूचा पूर्व पती आणि प्रसिद्ध दाक्षिणात्य अभिनेता नाग चैतन्य आज (8 ऑगस्ट) हैदराबादमध्ये गर्लफ्रेंड सोभिता धुलिपालाशी साखरपुडा करणार असल्याचं कळतंय. नाग चैतन्यने लग्नाच्या चार वर्षांनंतर समंथाला घटस्फोट दिला. त्यानंतर त्याचं नाव सोभितासोबत जोडलं गेलं.
1 / 5
सोभिताने 2013 मध्ये 'फेमिना मिस इंडिया अर्थ'चा किताब पटकावला होता. यानंतर तिने मॉडेलिंग आणि अभिनयविश्वात पदार्पण केलं. सोभिताने हिंदी आणि तेलुगू चित्रपटांमध्ये काम केलंय. 2023 मध्ये तिने हॉलिवूडच्या 'मंकी मॅन'मध्येही भूमिका साकारली होती.
2 / 5
सोभिताचा जन्म 31 मे 1992 रोजी आंध्र प्रदेशमध्ये झाला. तिने 2016 मध्ये अनुराग कश्यपचा 'रमन राघव 2.0' या चित्रपटातून बॉलिवूडमध्ये पदार्पण केलं. 2019 मध्ये अॅमेझॉन प्राइम व्हिडीओवर प्रदर्शित झालेल्या 'मेड इन हेव्हन' या वेब सीरिजमुळे तिचा बरीच लोकप्रियता मिळाली.
3 / 5
हैदराबादमध्ये नाग चैतन्यचे वडील नागार्जुन यांच्या निवासस्थानीच मोजक्या पाहुण्यांच्या उपस्थितीत सोभिता आणि नाग चैतन्य साखरपुडा करणार असल्याचं समजतंय. या साखरपुड्याचा पहिला फोटो स्वत: नागार्जुन शेअर करणार आहेत.
4 / 5
नाग चैतन्यच्या दुसऱ्या लग्नाची बातमी समोर येताच समंथाच्या चाहत्यांनी त्याला सोशल मीडियावर ट्रोल करण्यास सुरुवात केली आहे. 'चांदीच्या नादात खरा हिरा गमावला', असे कमेंट्स नेटकरी करत आहेत.
