‘सारं काही तिच्यासाठी’मध्ये मोठा ट्विस्ट; निशीच्या आयुष्यात निकिता नावाचं वादळ
'सारं काही तिच्यासाठी' ही मालिका रात्री 8.30 वाजता झी मराठी वाहिनीवर प्रेक्षकांच्या भेटीला येते. यामध्ये खुशबू तावडे, दक्षता जोईल, अभिषेक गावकर यांच्या भूमिका आहेत. या मालिकेचं कथानक रंजक वळणावर येऊन पोहोचलं आहे.
'सारं काही तिच्यासाठी' मालिकेत रघुनाथ आणि उमाचा संघर्ष सुरूच आहे. रघुनाथवर चोरीचा आरोप होतो. श्याम पोलिसांना सांगतो की हे पैसे मीच त्यांना दिले होते. पण मी नंतर विसरून गेलो. रघुनाथ खोतांबद्दल माझ्या मनात तिळमात्र शंका नाही ही फॅक्टरीच त्यांच्यामुळे उभी आहे.
1 / 5
श्यामचं ऐकून पोलीस दादा खोतांवर कारवाई न करता निघून जातात. शिर्केचा प्लान फसलाय. रघुनाथ एक स्वाभिमानी व्यक्ती आहे. एवढं सगळं झाल्यावर तिथे थांबणं त्यांना ठीक वाटत नाही आणि ते तिथून निघून जाण्याचा निर्णय घेतात.
2 / 5
दुसरीकडे रघुनाथच्या लेकीच्या म्हणजेच निशीच्या आयुष्यात एक नवीन वादळ घोंघावतंय. निशी आणि नीरजला सगळं कुटुंब निरोप देतं. निशीची रीतसर पाठवणी होते. जाताना निशी ओवीला आणि श्रीनुला आपलं दुभंगलेलं घर पुन्हा जोडण्यासाठी प्रयत्न करा म्हणून विनंती करते.
3 / 5
मेघना चारूला नेमकं त्याचं उलट सांगते. हे एकत्र आले तर श्रीनू तुझ्या हातून निघून जाईल, असं ती म्हणते. मुंबईला निशीचा सून म्हणून नव्या घरात गृहप्रवेश होतो. तिथे निशीची ओळख साहिलची बहिण सलोनी आणि बिझनेस पार्टनरची मुलगी निकिताशी होते.
4 / 5
निशी माप ओलांडून घरात येणार त्याआधीच नीरज पुढे होऊन निकिताला मिठी मारतो. निशी ते पाहून हादरते. निशीच्या आयुष्यात पुढे काय वाढून ठेवलंय? आयुष्यात आलेल्या निकीता नावाच्या वादळाला ती कशी सामोरी जाईल? हे प्रेक्षकांना मालिकेच्या पुढील एपिसोडमध्ये पहायला मिळेल.
