IND vs AFG | जिंकलो, पण रोहित-द्रविड जोडीने विराट कोहलीसोबत हे चांगलं नाही केलं, सगळेच हैराण
IND vs AFG 3rd T20 | अफगाणिस्तान विरुद्ध तिसरा T20 सामना टीम इंडियाने जिंकला. पण टीम इंडियाला हा विजय 2 सुपर ओव्हरनंतर मिळाला. या मॅचमध्ये विराट कोहलीच्या बाबतीत जे झालं, त्याने बरेच फॅन्स हैराण झाले आहेत. रोहित शर्मा-राहुल द्रविड जोडीने असं करायला नको होतं.
IND vs AFG 3rd T20 | बंगळुरुमध्ये टीम इंडियाने तिसरा T20 चा सामना जिंकला. फरक इतकाच की, हा विजय थोडा जास्त रोमांचक होता.
1 / 10
टीम इंडियाने पहिली बॅटिंग करताना 212 धावा केल्या. प्रत्युत्तरात अफगाणिस्ताननेही 212 धावा करुन मॅच टाय केली.
2 / 10
त्यानंतर सुपर ओव्हर झाली. त्यात अफगाणिस्तानने 16 धावा केल्या. टीम इंडियाने सुद्धा 16 रन्स केल्या. त्यामुळे पुन्हा एकदा सुपर ओव्हर झाली. टीम इंडियाने फक्त 11 धावा केल्या.
3 / 10
त्यानंतर रवी बिश्नोईने उत्तम गोलंदाजीच प्रदर्शन करत अफगाणिस्तानला विजयी टार्गेटपर्यंत पोहोचू दिलं नाही. टीम इंडिया मॅच जिंकली, पण या दरम्यान विराट कोहलीसोबत जे झालं, ते पाहून सगळेच हैराण आहेत.
4 / 10
क्रिकेट विश्व विराट कोहलीला चेज मास्टर म्हणून ओळखते. दबावाच्या क्षणी भले-भले गोलंदाज समोर विराट कोहली असेल, तर घाबरतात. टीम इंडियाने त्याच विराट कोहलीवर विश्वास दाखवला नाही.
5 / 10
अफगाणिस्तान विरुद्धच्या सामन्यात दोनवेळा मॅच सुपर ओव्हरमध्ये गेली. दोन्हीवेळा रोहित-द्रविड जोडीने विराट कोहलीला फलंदाजीची संधी दिली नाही.
6 / 10
रोहित शर्माने पहिल्या सुपर ओव्हरमध्ये यशस्वी जैस्वाल आणि रिंकू सिंह यांना विराट कोहलीवर प्राधान्य दिलं. दुसऱ्या सुपर ओव्हरमध्ये सुद्धा विराट कोहलीच्या जागी संजू सॅमसनला प्राधान्य दिलं.
7 / 10
महत्त्वाच म्हणजे, ज्या फलंदाजांना विराट कोहलीच्या जागी प्राधान्य दिलं, ते काही करु शकले नाहीत. जैस्वालने पहिल्या सुपर ओव्हरमध्ये 2 धावा केल्या. रिंकू सिंह दुसऱ्या सुपर ओव्हरमध्ये पहिल्या चेंडूवर आऊट झाला.
8 / 10
संजू सॅमसन सुद्धा सुपर ओव्हरमध्ये खात उघडू शकला नाही. रोहित-द्रविड जोडीने ज्या फलंदाजांना संधी दिली, त्यांच्यात भले सिक्स मारण्याची क्षमता असेल, पण प्रेशर सिच्युएशनमध्ये धावा बनवण्याच्या बाबतीत ते विराटपेक्षा खूपच मागे आहेत.
9 / 10
T20 वर्ल्ड कपमध्ये सुपर ओव्हरची परिस्थिती ओढवली, तर रोहित शर्माने विराट कोहलीवर विश्वास दाखवला तर ते फायद्याच ठरेल.
