PHOTO | काँग्रेसला घरचा आहेर देऊन भाजपमध्ये प्रवेश; कोण आहेत अभिनेत्री खुशबू सुंदर?

अभिनय क्षेत्रातून राजकारणात प्रवेश करणाऱ्या खुशबू सुंदर (Khushbu Sundar) यांनी नुकताच काँग्रेसला रामराम ठोकत भाजपमध्ये प्रवेश केलाय.

प्रविण शिंदे, टीव्ही 9 मराठी डिजीटल टीम | Updated on: Oct 13, 2020 | 6:03 PM

अभिनय क्षेत्रातून राजकारणात प्रवेश करणाऱ्या खुशबू सुंदर (Khushbu Sundar) यांनी नुकताच काँग्रेसला रामराम ठोकत भाजपमध्ये प्रवेश केलाय. त्यामुळे आगामी काळात तामिळनाडूत खुशबू सुंदर या भाजपचा प्रमुख चेहरा असण्याची शक्यता आहे.

: भाजप खुशबू यांच्या लोकप्रियतेचा उपयोग आगामी बिहार निवडणुकीतही करु शकते. इतकंच नाही पुढील वर्षी म्हणजेच 2021 मध्ये तामिलनाडुमध्ये विधानसभा निवडणूक देखील आहे. त्यामुळे भाजपकडून त्यांना मोठी जबाबदारी देण्याची शक्यता देखील आहे.

: 2014 मध्ये काँग्रेसमध्ये प्रवेश करणाऱ्या खुशबू सुंदर आधी डीएमकेमध्ये होत्या. खुशबू सुंदर यांनी मोदी सरकारच्या नुकत्याच जाहीर झालेल्या शिक्षण धोरणाचं कौतुक केलं. त्यानंतर त्या चांगल्याच चर्चेत आल्या. त्यांची भूमिका काँग्रेसच्या अधिकृत भूमिकेपेक्षा वेगळी होती. यानंतर खुशबू यांनी विरोधी भूमिका घेतल्याबद्दल राहुल गांधी यांची माफीही मागितली होती.

: काँग्रेसमधून राजीनामा देताना खुशबू यांनी काँग्रेसच्या अध्यक्षा सोनिया गांधी यांना पत्रही लिहिलं होतं. यात त्यांनी मोठ्या पदांवर बसलेल्या लोकांना जनमाणसातील पक्षाच्या खऱ्या वास्तवाची कल्पना नसल्याचा आरोप केला होता.

: 29 सप्टेंबर 1970 रोजी जन्मलेल्या खुशबू यांनी आपली चित्रपट क्षेत्रातील करिअरची सुरुवात हिंदी चित्रपट ‘द बर्निंग ट्रेन’ (1980) मधून एक बालकलाकार म्हणून केली होती.

: ‘नसीब’, ‘लावारिस’, ‘कालिया’, ‘दर्द का रिश्ता’ आणि ‘बेमिसाल’ अशा अनेक चित्रपटांमध्ये त्यांनी काम केलं. नंतर 1985 मध्ये त्यांनी ‘जानू’मध्ये जॅकी श्रॉफसोबतही काम केलं. 1990 मध्ये ‘दिवाना मुझसा नहीं’मध्ये त्यांनी महत्त्वाची भूमिका केली. यात आमिर खान आणि माधुरी दीक्षित लीड रोलमध्ये होते.

: खुशबू यांनी तामिळ चित्रपट सृष्टीतून सुरुवात केली आणि नंतर हिंदी, मलयालम, कन्नड आणि तेलुगु चित्रपटांमध्येही आपला ठसा उमटवला. त्यांनी 200 हून अधिक चित्रपट केले आहेत. त्यांनी रजनीकांत, कमल हसन, चिरंजीवी आणि अनेक टॉप अॅक्टर्ससोबत काम केलं आहे. त्यांच्या चाहत्यांनी अगदी त्यांना एक मंदिरही समर्पित केलं होतं.

: खुशबू यांनी गोविंदासोबतही काम केलं आहे. गोविंदाला आताही खुशबू यांचा क्रश मानतात. त्यांनी नुकताच याबाबत इंस्टाग्रामवर पोस्ट करत खुलासा केला होता.

LIVETV

TV9 मराठी चॅनल फॉलो करा