‘ते रोज लवंग्या फोडतात, आम्ही बॉम्ब फोडणार’, प्रसाद लाड यांचा ठाकरे सरकारला इशारा

मुंबई : मुंबई ड्रग्स प्रकरणानंतर राज्यात सध्या महाविकास आघाडी विरुद्ध भाजप नेत्यांमध्ये जोरदार वाक् युद्ध रंगलं आहे. दिवाळीच्या तोंडावर रायकीय फटाके फुटत आहेत. अशावेळी भाजपचे आमदार प्रसाद लाड यांनी ठाकरे सरकारला इशारा दिलाय. ते रोज लवंग्या फोडत आहेत, दिवाळीनंतर मोठा बॉम्ब फुटेल. देवेंद्र फडणवीस हा बॉम्ब फोडतील, असा इशारा प्रसाद लाड यांनी दिलाय. (MLA Prasad Lad warns Mahavikas Aghadi government )

दिवाळीनंतर मोठा बॉम्ब फुटेल. देवेंद्र फडणवीस हा बॉम्ब फोडतील. निश्चितपणे मला याबाबत माहिती नाही. पण शनिवारी 26/11 आणि 93 ब्लास्टचे फटाके फुटणार, असा दावा लाड यांनी केलाय. जर टीव्हीवर फुटेज मिळालं असेल तर राज्य सरकारनं कारवाई करावी. मला, दरेकर, गिरीश महाजन, चित्रा वाघ, आशिष शेलार, सुधीर मुनगंटीवार, चंद्रकांत पाटील या सगळ्यांना राज्य सरकार त्रास देत आहे. ते आम्हाला सोडत नाहीत, चौकशी सुरु आहे. राज्य सरकार यंत्रणेचा चुकीच्या पद्धतीने वापर करत असल्याचा गंभीर आरोप लाड यांनी केलाय. फटाक्यांचा दारुगोळा फटाके फुटल्यानंतर समजतो. देवेंद्र फडणवीस मोठा फटाका फोडणार तेव्हा कळेल की घात घोतो की अपघात, असा सूचक इशाराही लाड यांनी दिलाय.

‘राऊतांनी फुसके फटाके फोडू नयेत’

संजय राऊत चौथ्यांदा खासदार झालेत. त्यांना शुभेच्छा देतो पण त्यांनी फुसके फटाके फोडू नयेत, असा टोला लाड यांनी लगावलाय. पिंपरी-चिंचवड महापालिकेत स्मार्ट सिटी प्रकल्पात 600 कोटी रुपयांचा घोटाळा झाल्याचा आरोप संजय राऊत यांनी केलाय. त्याबाबतचं एक पत्र त्यांनी भाजप नेते किरीट सोमय्या यांना पाठवलं होतं. त्यावेळी राऊत यांनी प्रसाद लाड यांच्या कंपनीचा या घोटाळ्यात समावेश असल्याचा आरोप राऊतांनी केला होता.

पेट्रोल-डिझेल दरवाढीवरुन ठाकरे सरकारला टोला

पेट्रोल-डिझेल दरवाढीच्या मुद्द्यावरुनही लाड यांनी राऊत आणि राज्य सरकारला टोला हाणलाय. उद्धव ठाकरे आणि शरद पवार राऊतांचं जास्त ऐकतात. राज्याने 20 रुपये कमी करावेत, अशी मागणी लाड यांनी केलीय.

गरीबीपासून सुरुवात केली. घर माझ्या बायकोनं सजवलं आहे. हिंदुंचा मोठा सण म्हणून दिवाळी साजरी केली जाते. कोरोनामुळे गेली दिवाळी दु:खात गेली. ही दिवाळी प्रदुषणमुक्त आणि कोरोनामुक्त जावो, अशा शुभेच्छा लाड यांनी दिल्या आहे.

इतर बातम्या :

‘फक्त घोषणा आणि भाषणं करुन शेतकऱ्यांचे प्रश्न सुटत नाहीत’, रक्षा खडसे यांची ठाकरे सरकारवर टीका

अनिल परब शुद्धीत नव्हते, ईडीला काय कबुली जबाब दिला हे उद्धव ठाकरेंना माहीत आहे काय?; किरीट सोमय्यांचा सवाल

MLA Prasad Lad warns Mahavikas Aghadi government