शेतकऱ्यांना कर्जमाफीचे मेसेज, लिंक ओपन केल्यावर कँडीक्रश गेम

उस्मानाबाद : महाराष्ट्र सरकारने महात्मा ज्योतिबा फुले कर्जमुक्ती योजनेची माहिती शेतकऱ्यांना व्हावी, यासाठी किसान पोर्टलवरुन शेतकऱ्यांच्या मोबाईलवर मेसेज पाठवले (candy crush message link on farmer mobile) आहेत. यात लिंकही देण्यात आली आहे. मात्र ती लिंक ओपन केल्यानंतर त्यावर कँडीक्रशसह अन्य गेमच्या वेबसाईट ओपन होत आहे. अगोदरच कर्जमाफीची प्रतिक्षा असताना असा प्रकार घडत असल्याने शेतकऱ्यांकडून संताप व्यक्त होत आहे.

फडणवीस आणि ठाकरे सरकारने शेतकऱ्यांसाठी कर्जमाफीच्या छत्रपती शिवाजी महाराज शेतकरी सन्मान आणि महात्मा फुले कर्जमुक्ती योजना अशा दोन वेगवेगळ्या योजना जाहीर केल्या. मात्र प्रशासकीय व तांत्रिक त्रुटीमुळे अनेक शेतकरी आजही कर्जमाफीपासून वंचित आहेत. अशातच सरकारने महात्मा ज्योतिराव फुले शेतकरी कर्जमुक्ती योजनेची माहिती देणारा एक मेसेज VZ- KISSAN या एस.एम.एस पोर्टलवरून शेतकऱ्यांना पाठवला आहे. या मॅसेजमध्ये “महाराष्ट्र शासनाच्या महात्मा जोतीराव फुले शेतकरी कर्जमुक्ती योजना 2019 च्या माहितीसाठी https://bit.do/mjpsky 2019 या लिंक ला भेट द्या,” असे लिहिले (candy crush message link on farmer mobile) आहे.

मात्र https://bit.do/mjpsky 2019 या लिंकवर माहितीऐवजी चक्क गेम अपलोड करण्यात आले आहेत. या योजनेची माहिती देण्यासाठी शासनाने ही साईट तयार केली आहे. यावर कुठलीही माहिती उपलब्ध नाही. विशेष म्हणजे ही लिंक ओपन केल्यानंतर कॅन्डी क्रश सागा, डायमन डायरीज असे गेम ओपन होत आहेत. शेतकऱ्यांनी यावर नाराजी व्यक्त केली आहे. ही शेतकऱ्यांची थट्टा असल्याची टीका करत आहेत.

सततची नापिकी, सातत्याने पडणाऱ्या दुष्काळामुळे शेतकरी अगोदरच त्रस्त आहेत. तसेच सरकारने दिलेली अनुदानरुपी मदत, पि. एम किसानचे पैसे अनेक शेतकऱ्यांना मिळालेले नाही. यामुळे शेतकरी सध्या संकटात सापडलेला आहे. मात्र आता या आलेल्या मॅसेजमुळे शेतकऱ्यांमध्ये सध्या चांगलेच नाराजीचे वातावरण आहे. कर्जमाफीच्या एसएमएसच्या या प्रकाराकडे सरकारसह प्रशासनाचे दुर्लक्ष होतं आहे. त्यामुळे सरकारने डोळे उघडण्याची गरज (candy crush message link on farmer mobile) आहे.