बूस्टर डोस मोफत द्या : आरोग्य मंत्री राजेश टोपेंची केंद्रीय आरोग्यमंत्र्यांकडे मागणी

जालना : देशात पुन्हा कोरोनाचे रुग्ण (Corona) वाढत असून चिंता वाढली आहे. त्यामुळे विमानासह रेल्वे प्रवासातही मास्क वापरणे अनिवार्य करण्यात आले आहे. तर कर्नाटकातही सार्वजनिक ठिकाणी मास्क वापरणे बंधनकारक करण्यात आले आहे. तर सध्या राज्यातही कोरोनाबाधितांची संख्या झापाट्याने वाढताना दिसत आहे. ज्यामुळे येथेही काही नियम करावे लागतील अशी स्थिती आहे. यावरून याअधीच मुख्यमंत्री उद्धव ठाकरे यांच्यासह राज्याचे आरोग्य मंत्री राजेश टोपे (Health Minister Rajesh Tope) यांनी देखील नियम नको असतील तर मास्क वापरा. स्वत: कोरोनाचेस नियमांचे पालन करा असे म्हटले होते. त्यानंतर आता आरोग्य मंत्री टोपे यांनी बूस्टर डोस (Booster Dos) मोफत देण्याची मागणी केंद्राकडे केली आहे. त्यांनी ही मागणी केंद्रीय आरोग्यमंत्र्या सोबत झालेल्या ऑनलाइन बैठकीमध्ये केली.

यावेळी आरोग्य मंत्री टोपे यांनी, कोरोना प्रतिबंधक बूस्टर डोस मोफत करावा. तसेच त्याचा खर्च केंद्राने उचलावा अशा प्रकारची मागणी केंद्रीय आरोग्यमंत्र्यांकडे केली. त्याचबरोबर केंद्रीय आरोग्यमंत्र्यांशी बोलताना ते म्हणाले, प्रायव्हेट हॉस्पिटल मधील मर्यादित क्षमता पाहता सर्वदूर बूस्टर डोस उपलब्ध करून द्यावा. जेणेकरून त्याचा चांगला उपयोग होईल. सध्या बूस्टर डोसचा 380 रुपये असा दर आहे. त्यामुळे नागरिकांतून विचारणा होते. त्यामुळे तो मोफत करावा अशी मागणी त्यांनी केलीय.

हे सुद्धा वाचा

World record : तरूणीच्या उंचीमुळे दोनवेळा गिनीज बुक ऑफ वर्ल्ड रेकॉर्डमध्ये नोंद, सोशल मीडियावर फॉलोअर्सची संख्या 20 लाखांवर

Corona update : दिल्लीत कोरोना रुग्णांच्या संख्येत झपाट्याने वाढ; 15 दिवसांमध्ये प्रादुर्भाव दुप्पटीने वाढला, राजधानी लॉकडाऊनच्या उंबरठ्यावर?

Jumme ki namaz in Uttar Pradesh: योगींनी भोंगे उतरवले, आता उत्तर प्रदेशात रस्त्यावर नमाज होणार नाही; रामपूरमधील परंपरा तुटण्यामागचे कारण काय?

कोणाला घेता येईल बूस्टर डोस, डोसची किंमत किती असेल… जाणून घ्या संपूर्ण माहिती

दरम्यान लसीकरण जर कोणी सक्षमपणे पुढे नेली असेल तर त्या आशा वर्कर यांनी. त्यामुळे लसीकरण मोहीम राबवणाऱ्या आशा वर्करला केंद्राकडून 2000 रुपयांचा प्रोत्साहन भत्ता देण्याची देखील मागणी केल्याचे त्यांनी सांगितलंय.