AMC Election 2022, Ward 23 : भाजप ‘मिशन अकोला’ची पुनरावृत्ती करणार का? बालेकिल्ल्यात आव्हान देण्याच्या विरोधकांच्या हालचाली

अकोला : केंद्रापाठोपाठ राज्यात सत्ता स्थापन करण्यात यशस्वी झालेल्या भाजपने सध्या महापालिका निवडणुकांचा गड आपल्याकडे राखण्याकडे लक्ष केंद्रित केले आहे. त्यातही पश्चिम विदर्भात पक्ष संघटना मजबूत करण्यावर भाजपने विशेष भर दिल्याचे चित्र आहे. याचदरम्यान अकोला महापालिकेची निवडणूक (Akola Municipal Corporation Election) होत आहे. ही निवडणूक प्रतिष्ठेची मानून भाजप (BJP)ने भक्कम रणनीती आखण्यास सुरुवात केली आहे. पश्चिम विदर्भाच्या आपल्या बालेकिल्ल्यात विरोधकांची गणिते यशस्वी होऊ न देण्याचा निर्धारच भाजपने केल्याचे बोलले जात आहे. अकोला आणि परिसरात सहकाराचे जाळे विस्तारले आहे. याच सहकाराच्या माध्यमातून मतदारांवर आपली छाप पाडण्यात भाजपने यश मिळवले आहे. आता या जोरावर अकोला महापालिकेची सत्ता आपल्या हाती राखण्यास भाजपने आटोकाट प्रयत्न सुरु ठेवले आहेत. मागील म्हणजेच 2017 च्या निवडणुकीत भाजपने ‘मिशन अकोला‘ राबविले होते. त्यावेळी 80 पैकी 48 जागांवर विजय मिळवून भाजपने ‘मिशन अकोला’ (Mission Akola) फत्ते केले होते. त्याच विजयाने भाजपाला यंदाच्या निवडणुकीसाठी मोठा उत्साह लाभला आहे. त्यामुळे भाजप ‘मिशन अकोला’ची पुनरावृत्ती करतोय का? विरोधक भाजपाला बालेकिल्ल्यात आव्हान देणार का? याकडे सर्वांचे लक्ष लागले आहे.

अकोला महापालिका वॉर्ड 23 अ

नवीन प्रभागरचनेनुसार बदल

अकोला महापालिकेचे पूर्वी 20 प्रभाग होते. आता त्यात दहाची भर पडून एकूण 30 प्रभाग झाले आहेत. यापैकी 29 प्रभाग तीन सदस्यीय असणार आहेत, तर 30 वा प्रभाग चार सदस्यीय असणार आहे. पालिकेच्या सर्व 30 प्रभागांतून एकूण 91 सदस्य निवडून महापालिकेवर जाणार आहेत.

प्रभाग क्रमांक 23 ची लोकसंख्या

एकूण लोकसंख्या – 19118 अनुसूचित जाती प्रवर्गातील लोकसंख्या – 3111 अनुसूचित जमातीच्या प्रवर्गातील लोकसंख्या – 395

हे सुद्धा वाचा

NMC Election 2022, Ward 52 : भाजपच्या बालेकिल्ल्यात नारीशक्तीचा आवाज कोण बुलंद करणार? जाणून घ्या कुठल्या पक्षाचे भाग्य उजळेल

NMC Election 2022: नागपूर महानगरपालिकेच्या प्रभाग क्र. 47 भाजपचे लक्ष केंद्रित; या वॉर्डात होणार काटे की टक्कर….

PCMC Election 2022: पिंपरी चिंचवड मनपाच्या प्रभाग क्र. 26 मध्ये पुन्हा भाजपची पुनरावृत्ती होणार की..; राष्ट्रवादी वेगळी गणितं मांडणार

अकोला महापालिका वॉर्ड 23 ब

प्रभाग क्रमांक 23 मधील अंतर्भूत असलेले विभाग

अकोला महापालिकेच्या प्रभाग क्रमांक 23 मध्ये सिंधी कॅम्प पक्की खोली, सिंधी कॅम्प कच्ची खोली, कैलास टेकडी, निमवाडी या प्रमुख विभागांचा समावेश होतो.

2017 च्या सार्वत्रिक निवडणुकीतील पक्षीय बलाबल

भारतीय जनता पक्ष – 48 राष्ट्रीय काँग्रेस (INC) – 13 शिवसेना (SS) – 08 राष्ट्रवादी काँग्रेस पार्टी (NCP) – 05 भारिप बहुजन महासंघ (BBM) – 03 ऑल इंडिया मजलिस-ए-इत्तेहादुल मुस्लिमीन (एमआयएम) – 01 अपक्ष/इतर – 02

अकोला महापालिका वॉर्ड 23 क

मागील निवडणुकीत महापालिकेवर सत्ता मिळवून कमाल करणारा भाजप यंदाच्या निवडणुकीत आपल्या पदरी आणखी जागा पाडून घेतो की, भाजपच्या बहुमताला काँग्रेस, शिवसेनेकडून धक्का दिला जातोय, याकडे राजकीय वर्तुळाचे लक्ष लागले आहे.