ठरलं! राज ठाकरे मुख्यमंत्र्यांना भेटणार, आज संध्याकाळी ‘वर्षा’वर जाणार

मुंबई: मनसे अध्यक्ष राज ठाकरे (Raj Thackeray) आणि उपमुख्यमंत्री देवेंद्र फडणवीस (Devendra Fadnavis) यांच्या वरचेवर होणाऱ्या भेटी मनसे-भाजप युतीचं द्योतक ठरत आहेत. अश्यात युतीचा महत्वपूर्ण भाग असलेले, राज्याचे मुख्यमंत्री एकनाथ शिंदे (Eknath Shinde) आणि राज ठाकरे यांचीही जवळीक वाढत आहे. याआधी मुख्यमंत्री राज ठाकरेंच्या शीवतीर्थ या निवासस्थानी गणपतीच्या दर्शनासाठी गेले होते. आता राज ठाकरे वर्षा बंगल्यावर जात शिंदेंची भेट घेणार आहेत. गणेशोत्सव सुरु आहे. त्यामुळे मुख्यमंत्री निवासस्थानच्या गणरायाचं दर्शन घेण्यासाठी राज ठाकरे जाणार आहेत.

युतीची चिन्हे

सध्या राज ठाकरे-शिंदे-फडणवीस यांच्यातील वाढती जवळीक पाहता युतीची शक्यता व्यक्त केली जात आहे. मुंबई महापालिका निवडुकीच्या तोंडावर हिंदुत्वाच्या मुद्द्यावर ही युती होईल, अशी राजकीय वर्तुळात चर्चा आहे.

हे सुद्धा वाचा

Parbhani: परभणीत मनसे शहर प्रमुखाची हत्या! रात्री 2 वाजता सचिन पाटील यांचा खून करण्यात आल्यानं खळबळ

शिंदे गटाचा दसरा मेळावा बीकेसी मैदानावर होणार? बीकेसीतील एमएमआरडीएम मैदानासाठी शिंदे गटाकडून अर्ज- सूत्र

मुख्यमंत्री शिंदे आणि उपमुख्यमंत्री फडणवीस यांच्यात रात्री दोन तास खलबतं! वर्षावर झालेल्या बैठकीचा अजेंडा बीएमसी निवडणूक?