BMC Election 2022 P/North Ward 45 : भाजपाच्या ताब्यात असलेल्या वॉर्ड क्रमांक 45वर आता कोणाचं वर्चस्व? भाजपा-शिवसेनेतच टक्कर?

मुंबई : मुंबई महापालिकेची वॉर्ड रचना आणि निवडणुकीचे आरक्षण (Reservation) जाहीर झाल्यानंतर आता इच्छुकांची लगबग सुरू झाली आहे. मागील म्हणजेच 2017च्या महापालिका निवडणुकीत सर्वच पक्षांनी स्वत:ला आजमावले होते. त्यामुळे अनेक ठिकाणी चौरंगी तर पंचरंगी निवडणुका पाहायला मिळाल्या. शिवसेनेची सत्ता असलेल्या मुंबई महापालिका (BMC) निवडणुकीत यावेळी काय होते, याकडे सर्वांचे लक्ष लागले आहे. मुंबईच्या वॉर्ड क्र. 45मध्येही पंचरंगी निवडणूक झाली होती. याठिकाणी काँग्रेस, मनसे, शिवसेना, भाजपा तसेच रिपाइं असे पक्ष या वॉर्डात लढले. यात भाजपाचे रामनारायण बारोट (Ram Barot) विजयी झाले होते. मात्र, मागील वर्षी 26 सप्टेंबर 2021ला त्यांचे निधन झाले. 1992पासून डॉ. बारोट सलग सहावेळा मुंबई महापालिकेवर नगरसेवक म्हणून निवडून येत होते. त्यांनी मुंबई महापालिकेत उप महापौरपदासह सुधार समिती, शिक्षण समिती आणि आरोग्य समितीचे अध्यक्षपदही भूषविले होते.

उमेदवार कोण?

वॉड 45मध्ये भाजपाचे राम बारोट विजयी झाले होते. त्यांचे प्रतिस्पर्धी राजेंद्र नंदकुमार काळे शिवसेनेतर्फे, रमेश अरविंद यादव काँग्रेसतर्फे, निलेश शांताराम मुद्राळे मनसेतर्फे तर श्रीधर शंकर कन्नुरे रिपाइंतर्फे लढले होते. दरम्यान, बारोट यांच्या निधनानंतर याठिकाणी पोटनिवडणूक झालेली नाही.

कोणाला किती मते?

– राम नारायण बारोट – 16,407

हे सुद्धा वाचा

काश्मिरी हिंदूंच्या जीवाचे रक्षण करण्यात अमित शहा अपयशी; विस्थापित काश्मिरी पंडितांना सुरक्षित रस्ता दाखवणारे महाराष्ट्र हे एकमेव राज्य

Maharashtra Corona Update : महाराष्ट्रात कोरोना डोकं वर काढतोय! पुन्हा शाळा बंद होणार? शालेय शिक्षणमंत्र्यांनी केलं स्पष्ट

Congress vs Shivsena : तुझं माझं जमेना! शिवसेना आम्हाला न्याय देत नाही, आम्ही कोर्टात जाणार, भाई जगताप भडकले, आघाडीत पुन्हा धुसफूस

– राजेंद्र नंदकुमार काळे – 5609

– श्रीधर शंकर कन्नुरे – 95

– निलेश शांताराम मुद्राळे – 406

– रमेश अरविंद यादव – 2930

आकडेवारी काय सांगते?

याठिकाणी भाजपाच्या उमेदवाराला सर्वाधिक मते मिळाली असून शिवसेनेचे राजेंद्र काळे दुसऱ्या तर काँग्रेसटे रमेश यादव तिसऱ्या क्रमांकावर राहिले. यावेळी आता मतदार कोणाच्या पारड्यात मते टाकतो, त्याची उत्सुकता आहे.

वॉर्ड खुला की आरक्षित?

2022मुंबई महापालिका निवडणुकीत वॉर्ड क्र. 45 सर्वसाधारण महिलांसाठी राखीव आहे. त्यामुळे या ठिकाणाहून भाजपासह शिवसेना तसेच इतर पक्ष कोणाला उमेदवारी देतात, ते पाहावे लागेल.

वॉर्ड कुठून कुठपर्यंत?

महिंद्रा नगरस गोविंद गार्डन नगर, मनोहरलाल देसाई रुग्णालय परिसर