कार्यकुशल आणि लोकाभिमुख नेतृत्व हरपले, आमदार भारत भालके यांच्या निधनानंतर शरद पवार हळहळले

पंढरपूर : राष्ट्रवादी काँग्रेसचे पंढरपूर- मंगळवेढा विधानसभा मतदारसंघाचे आमदार भारत भालके यांचे शुक्रवारी मध्यरात्री पुण्यात निधन झाले. ते 60 वर्षांचे होते. त्यांच्या पार्थिवावर आज पंढरपुरातील सरकोली येथे अंत्यसंस्कार केले जातील. भारत भालके यांच्या निधनानंतर राष्ट्रवादीसह दिग्गज नेत्यांकडून हळहळ व्यक्त केली जात आहे. राष्ट्रवादीच्या नेत्यांनी ट्वीट करत त्यांच्या निधनाबद्दल दु:ख व्यक्त केलं आहे. (NCP Leader tweet On MLA Bharat Bhalke Died)

गेल्या काही दिवसांपासून त्यांची प्रकृती बिघडल्याने त्यांच्यावर पुण्यातील रुबी हॉल रुग्णालयात उपचार सुरु होते. तिथेच त्यांची प्राणज्योत मालवली. भालके यांचे पार्थिव शरीर आज (28 नोव्हेंबर) रोजी सकाळी 7.35 वाजता पुणे येथून पंढरपूरकडे मार्गस्थ होईल. त्यानंतर दुपारी 11 ते 12 च्या दरम्यान टेंभुर्णी मार्गे, श्री विठ्ठल सहकारी साखर कारखाना मार्गे ते  पंढरपूर येथे पोहोचेल. त्यानंतर दुपारी 1.30 ते 3.45 या वेळेत त्यांचे पार्थिव शरीर अंत्यदर्शनासाठी ठेवण्यात येणार आहे. यानंतर दुपारी 4.00 वाजता त्यांच्यावर सरकोली येथे अंत्यसंस्कार करण्यात येतील.

“पंढरपूर मंगळवेढ्याचे आमदार भारत भालके यांचे अकाली निधन चटका लावणारे आहे. त्यांच्या जाण्याने पंढरपूर तालुक्याचे कार्यकुशल व लोकाभिमुख नेतृत्व हरपले. त्यांच्या कुटुंबियांच्या दुःखात सहवेदना व्यक्त करतो. भावपूर्ण श्रद्धांजली!,” अशा शब्दात राष्ट्रवादी काँग्रेसचे अध्यक्ष शरद पवार यांनी श्रद्धांजली वाहिली.

“पंढरीच्या विठुरायाचा वारकरी भारत नाना आज अचानक निघुन गेले ही बातमी खुप व्यथित करणारी आहे. नाना तुमच्या कडे पाहताक्षणी मुठभर मास वाढायचं. आपण अचानक EXIT घेऊन मनाला वेदना दिल्यात,” असे ट्वीट करत राष्ट्रवादीचे आमदार अमोल मिटकरी यांनी भारत भालके यांना श्रद्धांजली वाहिली.

पंढरपूर मंगळवेढ्याचे आमदार श्री. भारत भालके यांचे अकाली निधन चटका लावणारे आहे. त्यांच्या जाण्याने पंढरपूर तालुक्याचे कार्यकुशल व लोकाभिमुख नेतृत्व हरपले. त्यांच्या कुटुंबियांच्या दुःखात सहवेदना व्यक्त करतो. भावपूर्ण श्रद्धांजली! pic.twitter.com/ifO4z8cRCl

— Sharad Pawar (@PawarSpeaks) November 28, 2020

राष्ट्रवादी काँग्रेसचे पंढरपूर-मंगळवेढा मतदारसंघाचे आमदार भारत भालके (६०) यांच्या निधनाची बातमी धक्कादायक आहे. राष्ट्रवादी व पंढरपूरकरांवर हा मोठा आघात आहे. लोकांसाठी अहोरात्र झटणारा आमदार अशी त्यांची ओळख होती. मी त्यांच्या कुटुंबियांच्या दुःखात सहभागी आहे. भावपूर्ण श्रद्धांजली! pic.twitter.com/9Q7tCpzbhf

— Rohit Pawar (@RRPSpeaks) November 28, 2020

आता नाही येणे जाणे l सहज खुंटले बोलणे ll पंढरीच्या विठुरायाचा वारकरी भारत नाना आज अचानक निघुन गेले ही बातमी खुप व्यथित करणारी आहे. नाना तुमच्या कडे पाहताक्षणी मुठभर मास वाढायचं. आपण अचानक EXIT घेऊन मनाला वेदना दिल्यात. pic.twitter.com/SjmCvWllgW

— आ. अमोल रामकृष्ण मिटकरी (@amolmitkari22) November 28, 2020

पश्चिम महाराष्ट्रातील मातब्बर नेत्यांपैकी एक पंढरपूर- मंगळवेढा विधानसभा मतदारसंघाचे आ. भारत भालके यांच्या निधनाची बातमी ही अत्यंत धक्कादायक आहे. ईश्वर त्यांच्या कुटूंबियांना हे दुःख सहन करण्याची ताकद देवो! भावपूर्ण श्रद्धांजली. pic.twitter.com/xlU1HhHOmy

— Rajeev Satav (@SATAVRAJEEV) November 28, 2020

पंढरपूर-मंगळवेढा विधानसभा मतदार संघाचे लोकप्रिय आमदार भारतनाना भालके यांचे दुःखत निधन. सर्वसामान्य घरातील माणूस स्वतःच्या कर्तृत्वावर व जिद्दीवर आमदार होऊन जनतेची सेवा करू शकतो याचे मूर्तिमंत उदाहरण म्हणजे आमदार भालके. ईश्वर त्यांच्या आत्म्यास शांती देवो. भावपूर्ण श्रद्धांजली. pic.twitter.com/ZqS1LgkMbq

— Chhatrapati Udayanraje Bhonsle (@Chh_Udayanraje) November 28, 2020

.@NCPspeaks चे पंढरपूर – मंगळवेढा विधानसभा मतदारसंघाचे आमदार श्री.भारत भालके यांचे निधन झाले. आम्ही सर्वजण भालके कुटूंबियांच्या दुःखात सहभागी आहोत. भावपूर्ण श्रद्धांजली ! pic.twitter.com/NGZv22qpnX

— Nawab Malik نواب ملک नवाब मलिक (@nawabmalikncp) November 28, 2020

राष्ट्रवादी काँग्रेस पक्षाचे पंढरपूर-मंगळवेढा मतदारसंघाचे आमदार भारत नाना भालके यांच्या निधनाने आम्ही एक संघर्षशील, सर्वसगुणसंपन्न नेतृत्व गमावले आहे. नानांच्या अनेक आठवणी हृदयात घर करून राहतील. मी भालके कुटुंबियांच्या दुःखात सहभागी आहे. भावपूर्ण श्रद्धांजली. pic.twitter.com/KWVvlA8Fr8

— Dhananjay Munde (@dhananjay_munde) November 28, 2020

राष्ट्रवादी काँग्रेस पक्षाचे पंढरपूर मंगळवेढा विधानसभा मतदारसंघाचे आमदार भारतनाना भालके यांना भावपूर्ण श्रद्धांजली. भारतनाना यांच्या निधनाने पंढरपूर तालुक्याचे मोठे नुकसान तर झाले आहेच, पण आम्ही देखील एक अत्यंत महत्वाचा सहकारी गमावला आहे.@NCPspeaks pic.twitter.com/0UQIbX0pJK

— Jayant Patil (@Jayant_R_Patil) November 28, 2020

संबंधित बातम्या : 

राष्ट्रवादी काँग्रेसचे आमदार भारत भालके यांचे निधन

Bharat Bhalke | हॅटट्रिक आमदार ते जनसामान्यांचा नेता, भारत भालके यांची कारकीर्द