Arvind Kejriwal : आप पक्षाला सुरूंग, पंजाबमध्ये जबर धक्का, निवडणुकीच्या तोंडावर भाजपाने डाव टाकला!
आता हे दोन्ही आमदार भाजपात प्रवेश करण्याची शक्यता आहे. चंदीगड येथे केंद्रीय गृहमंत्री अमित शाह यांची सभा होणार आहे. याच सभेत दोन्ही आमदार भाजपात प्रवेश करणार आहेत, असं बोललं जातंय.
AAP MLA Resignation : पंजाबमध्ये सध्या विधानसभा निवडणुकीचे वारे वाहू लागले आहेत 2027 साली येथे निवडणूक होणार आहे. दरम्यान, या निवडणुकीचा तयारी सत्ताधारी आम आदमी पार्टी तसेच विरोधी बाकावरील भाजपाने सुरू केली आहे. ही निवडणूक जिंकण्यासाठी दोन्ही पक्षांनी पूर्ण ताकद लावली आहे. आप पक्षाने तर आपल्या उमेदवारांची पहिली यादीदेखील जाहीर केली आहे. असे असतानाच आता आप पक्षाला जबर धक्का बसला आहे. ऐन निवडणुकीच्या तोंडावर आपच्या दोन आमदारांनी पक्षाच्या सदस्यत्वाचा राजीनामा दिलाय.
पक्षाला धक्का, दोन आमदार भाजपात जाणार
आप पक्षाला जबर धक्का बसला आहे. पटियाला हलका सनौरचे आमदार हरमीतसिंग पठाण माजरा आणि समानाचे आमदार तथा माजी मंत्री चेतनसिंग जोडा माजरा यांनी आप पक्षाच्या सदस्यत्वाचा राजीनामा दिलाय. शनिवारी (31 ऑक्टोबर) आप पक्षाने विधानसभा निवडणुकीसाठी 40 उमेदवारांची यादी जाहीर केली. या यादीत दोन्ही आमदारांचे नाव नव्हते. त्यानंत नाराज होऊन या आमदारांनी आपल्या आप पक्षाच्या सदस्यत्त्वाचा राजीनामा दिला.
दोन्ही आमदार भाजपात प्रवेश करणार
आता हे दोन्ही आमदार भाजपात प्रवेश करण्याची शक्यता आहे. चंदीगड येथे केंद्रीय गृहमंत्री अमित शाह यांची सभा होणार आहे. याच सभेत दोन्ही आमदार भाजपात प्रवेश करणार आहेत, असं बोललं जातंय.
आपल्या राजीनाम्याबाबत चेतनसिंग यांनी फेसबुकवर माहिती दिलीय. मी आम आदमी पार्टीच्या प्राथमिक सदस्यत्त्वाचा राजीनामा देतोय, असं त्यांनी फेसकबुक पोस्टमध्ये सांगिलंय. अशाच प्रकारची फेसबुक पोस्ट हरमितसिंग पठाणमाजरा यांनी केलीय.
दोन आमदारांनी पक्षाचा राजीनामा देताच आपचे माध्यम प्रमुख बलतेज पन्नू यांनी आपली भूमिका मांडली आहे. या दोन्ही आमदारांना पक्षाने अगोदरपासूनच बाजूला सारलेले होते. ते आता भाजपात जाणार आहेत, असे पन्नू यांनी सांगितलेय.
आप पक्षाने 40 उमेदवार जाहीर केले
दरम्यान, आप पक्षाने आपल्या 40 उमेदवारांची पहिली यादी जाहीर केली आहे. आता लवकरच पुढची यादीही पक्षातर्फे जारी केली जाणार आहे. आप पक्ष साधारण 40 विद्यमान आमदारांचे तिकीट कापण्याची शक्यता आहे. त्यामुळे भविष्यात नेमके काय होणार हे पाहणे महत्त्वाचे ठरणार आहे.
