भिवंडीत ग्रामपंचायत निवडणुकीतील शिवसेनेचे उमेदवार दीपक म्हात्रे यांच्यावर अज्ञातांकडून गोळीबार

भिवंडी : काल्हेर ग्रामपंचायत निवडणुकीतील उमेदवार शिवसेना शाखाप्रमुख दीपक म्हात्रे यांच्यावर शनिवारी मध्यरात्रीच्या सुमारास दुचाकीवरून आलेल्या दोन अज्ञातांनी रिव्हॉल्वरने तीन गोळ्या झाडून गोळीबार केला. या हल्ल्यातून दीपक म्हात्रे थोडक्यात बचावले आहेत. याप्रकरणी नारपोलीस पोलीस ठाण्यात गुन्हा दाखल करण्यात आला आहे. सध्या सुरू असलेल्या ग्रामपंचायत निवडणुकीच्या वादातून गोळीबार झाल्याची माहिती समोर आली आहे. भिवंडी तालुक्यातील ग्रामपंचायत निवडणुकांमधील राड्यांना सुरुवात झाली असल्याचे बोलले जाऊ लागले आहे.

सध्या ग्रामपंचायत निवडणुकीचे पडघम वाजू लागले असून या रणधुमाळीत सर्वच राजकीय पक्ष ग्रामपंचायतींवर वर्चस्व मिळविण्यासाठी तयारीला लागले आहेत. महाराष्ट्रात सर्वात प्रथम ग्रामपंचायतीवर शिवसेनेचा भगवा फडकविण्याचा मान मिळविलेल्या काल्हेर ग्रामपंचायतीवर कित्येक वर्षे शिवसेनेचे अधिराज्य होते. परंतु 2015 मधील सार्वत्रिक निवडणुकीत भाजपाने ही सत्ता खेचून घेतली त्यामुळे सध्या सुरू असलेल्या निवडणुकीत शिवसेना आणि भाजप यांच्यात चुरशीची निवडणूक होणार आहे. तसेच ही निवडणूक जिंकण्यासाठी साम दाम दंड भेद या सर्व नीतींचा वापर केला जाण्याची होण्याची शक्यता वर्तविली जात आहे. दरम्यान, शिवसेना शाखाप्रमुखावर झालेल्या हल्ल्याने येथील निवडणुका वादग्रस्त ठरणार असल्याचे चित्र दिसू लागले आहे.

व्हिडीओ पाहा

हेही वाचा

धक्कादायक! तू माझ्याशी का बोलत नाहीस म्हणत तरुणाचा अल्पवयीन मुलीवर थेट तलवारीनं वार

तृणमूल काँग्रेसच्या नेत्याची गोळी घालून हत्या; बाईकवरून जात असताना हल्ला

प्रेमविवाह केलेल्या तरुणीचा संशयास्पद मृत्यू, पतीनंही मृत्यूला कवटाळलं!

(Shiv Sena Shakhapramukh Deepak Mhatre, a candidate in Bhiwandi Gram Panchayat elections, Gunshot by unknown persons)