पुण्यात कोरोनाबाधितांचा आकडा शंभरी पार, राज्यात कोरोनाबाधितांची संख्या 661 वर

पुणे : राज्यात कोरोना विषाणूंचा संसर्ग दिवसेंदिवस वाढत (Corona patient in Maharashtra) आहे. राज्यातील कोरोनाबाधितांची संख्या वाढत असून कोरोनाग्रस्त रुग्णांच्या मृतांचीही संख्या वाढत आहे. नुकतंच राज्यात 26 जणांचे रिपोर्ट कोरोना पॉझिटिव्ह आले आहेत. त्यामुळे राज्यात कोरोनाबाधितांची संख्या 635 वरुन 661 वर गेली आहे. राज्याच्या आरोग्य विभागाने याबाबतची माहिती दिली.

राज्यात पुणे, पिंपरी चिंचवड, अहमदनगर, औरंगाबाद या ठिकाणी नवे (Corona patient in Maharashtra) रुग्ण आढळले आहेत. यामुळे राज्यातील कोरोनाग्रस्त रुग्णांचा आकडा वाढला आहे.

राज्यात कुठे किती नवे रुग्ण?

• पुणे – 17
• पिंपरी चिंचवड – 4
• अहमदनगर – 3
• औरंगाबाद – 2

26 new #COVID19 positive cases reported in the state today, taking the total number of positive cases to 661: Maharashtra Health Department pic.twitter.com/XIqsSn71to

— ANI (@ANI) April 5, 2020

पुण्यात कोरोनाग्रस्त रुग्णांचा आकडा हा 103 वर पोहोचला आहे. तर अहमदनगरमध्ये आतापर्यंत 20 जणांना कोरोनाची बाधा झाली आहे. तसेच औरंगाबादेत 5 कोरोनाग्रस्त रुग्णा आढळले आहेत.

पुण्यात कोरोनाचा चौथा बळी 

तर दुसरीकडे पुण्यात ‘कोरोना’मुळे चौथा बळी गेला आहे. 48 वर्षीय ‘कोरोना’ग्रस्त व्यक्तीचा ससून रुग्णालयात उपचारादरम्यान मृत्यू झाला. गेल्या 24 तासात पुण्यात गेलेला हा दुसरा बळी असून महाराष्ट्रातील ‘कोरोना’बळींची संख्या 34 वर पोहोचली आहे.

ताजी आकडेवारी इथे पहा :