Ram Mandir : राम मंदिराच्या आतला भाग कसा दिसतो? पाहा ताजे फोटो
श्री रामजन्मभूमी तीर्थ क्षेत्राचे सचिव चंपत राय यांनी गुरुवारी अयोध्येतील राम मंदिराच्या आत सुरू असलेल्या फिनिशिंग कामाची काही ताजी छायाचित्रे शेअर केली.
Nitish Gadge |
Updated on: Dec 29, 2023 | 12:57 PM
अयोध्येतील भव्य राम मंदिराचे बांधकाम आणि व्यवस्थापनाची जबाबदारी श्री रामजन्मभूमी तीर्थ क्षेत्राकडे सोपविण्यात आली आहे. आज तत्पूर्वी, श्री राम मंदिर बांधकाम समितीचे अध्यक्ष नृपेंद्र मिश्रा यांनी जिल्ह्यातील वरिष्ठ अधिकाऱ्यांसह रामजन्मभूमी पथ आणि संकुलात सुरू असलेल्या बांधकामाचा आढावा घेतला.
1 / 6
नृपेंद्र मिश्रा यांनी वृत्तसंस्थेशी बोलताना सांगितले की, काम घाईघाईने केले जात नसून, त्यात पुरेसा वेळ गुंतवून ते गुणात्मकरीत्या केले जात आहे. बांधकामाच्या कामाचे तीन टप्प्यांत वर्गीकरण करण्यात आले आहे. पहिला टप्पा डिसेंबर 2023 पर्यंत पूर्ण होईल, दुसरा टप्प्यातील बांधकाम जानेवारीत पूर्ण होण्याची शक्यता आहे. त्या नंतर तीसऱ्या टप्प्यातील बांधकामाबद्दल माहिती दिली जाणार आहे.
2 / 6
दरम्यान, जन्मभूमी मार्गावरील स्वागत गेट आणि छतासह बसविण्यात येत असलेल्या सुरक्षा उपकरणांचे काम डिसेंबरपर्यंत कोणत्याही परिस्थितीत पूर्ण करण्याच्या सूचना नृपेंद्र मिश्रा यांनी अधिकाऱ्यांना दिल्या. मंदिराच्या अधिकाऱ्यांनी दिलेल्या माहितीनुसार, 16 जानेवारीपासून सात दिवसांच्या कालावधीत अभिषेक सोहळा होणार आहे.
3 / 6
16 जानेवारी रोजी, मंदिर ट्रस्टने नियुक्त केलेले यजमान, श्री रामजन्मभूमी तीर्थ क्षेत्र प्रायश्चित्त समारंभ आयोजित करतील. शरयू नदीच्या काठावर दशविध स्नान, विष्णूपूजा आणि गायींचा नैवेद्य होणार आहे. त्यानंतर 17 जानेवारी रोजी प्रभू रामाची मुर्ती घेऊन मिरवणूक अयोध्येत पोहोचेल. मंगल कलशात शरयूचे पाणी वाहून भाविक रामजन्मभूमी मंदिरात पोहोचणार आहेत.
4 / 6
18 जानेवारी रोजी गणेश अंबिका पूजा, वरुण पूजा, मातृका पूजा, ब्राह्मण वरण आणि वास्तुपूजनाने औपचारिक विधी सुरू होतील. 19 जानेवारी रोजी पवित्र अग्नि प्रज्वलित केला जाईल, त्यानंतर 'नवग्रह' आणि 'हवन' (अग्नीभोवती पवित्र विधी) स्थापना केली जाईल.
5 / 6
रामजन्मभूमी मंदिराचा गाभारा 20 जानेवारी रोजी सरयूच्या पाण्याने स्वच्छ केला जाईल, त्यानंतर वास्तुशांती आणि अन्नाधिवास विधी होईल. 21 जानेवारी रोजी रामलल्लाच्या मूर्तीला 125 कलशांमध्ये स्नान घालण्यात येईल शेवटच्या दिवशी 22 जानेवारीला सकाळी पूजेनंतर दुपारी मृगशिरा नक्षत्रात रामलालाचा अभिषेक केला जाईल.
