6 Wickets 1 Over | एका ओव्हरमध्ये 6 विकेट्स, बॉलरने टीमला गमावलेला सामना जिंकवला

कॅनबेरा | आयसीसी वनडे वर्ल्ड कप 2023 मधील साखळी फेरीचं समारोप झाला आहे. साखळी फेरीतील 45 सामन्याचं यशस्वीपणे आयोजन करण्यात आलं. देशातील 9 स्टेडियममध्ये हा सामने खेळवण्यात आले. या साखळी फेरीतून 6 संघ बाहेर पडले. तर 4 संघांनी वर्ल्ड कप 2023 सेमी फायनलसाठी क्वालिफाय केलं. या 4 संघांमध्ये टीम इंडिया, दक्षिण आफ्रिका, ऑस्ट्रेलिया आणि न्यूझीलंडचा समावेश आहे. वर्ल्ड कप 2023 मधील पहिला सेमी फायनल सामना हा मुंबईतील वानखेडे स्टेडियममध्ये होणार आहे. या सामन्यात टीम इंडिया विरुद्ध न्यूझीलंड आमनेसामने असणार आहेत. त्याआधी मोठी बातमी समोर आली आहे.

वर्ल्ड कप 2023 मध्ये अफगाणिस्तान विरुद्ध ऑस्ट्रेलियाच्या ग्लेन मॅक्सवेल याने एकहाती सामना जिंकून दिला. ऑस्ट्रेलियाने गमावलेला सामना ग्लेन मॅक्सवेल याने नाबाद द्विशतकाच्या जोरावर ऑस्ट्रेलियाला जिंकून दिला. त्यानंतर आता ऑस्ट्रेलियातील एका गोलंदाजाने इतिहास रचला आहे. ऑस्ट्रेलियातील या गोलंदाजाने एकाच ओव्हरमध्ये डबल हॅटट्रिक अर्थात 6 बॉलमध्ये 6 विकेट्स घेत कीर्तीमान केला आहे.

ऑस्ट्रेलियात थर्ड डिव्हीजन क्लब क्रिकेट सामन्यात एका ओव्हरमध्ये 6 विकेट्स घेण्याचा कारनामा गोलंदाजाने केला आहे. या सामन्यात मुदगीराबा नेरांग एंड डिस्ट्र्रीक्ट्स क्रिकेट क्लब विरुद्ध सरफर्स पॅराडाईज यांच्यात होते.या सामन्यात सरफर्स पॅराडाईजला विजयासासाठी अखरेच्या ओव्हरमध्ये विजयासाठी 5 धावांची गरज होती. तर 4 विकेट्स गमावल्या होत्या. आता टीम सहज जिंकणार हे स्पष्ट होते. मात्र त्यानंतर जे झालं त्याने इतिहास घडला.

गॅरेथ मॉर्गन याची ऐतिहासिक कामगिरी

Fair chance this will pop up on socials this week. Yesterday Surfers Paradise 3rd Grade were chasing 178 and were 4/174 with 1 over to go and lost 6 wickets in 6 balls to lose the game, I don’t think you will ever see a result like this again in your lifetime 🤯 pic.twitter.com/arW1QaERLg

— Garred Birrell (@garredbirrell) November 11, 2023

मुदगीराबा नेरांग एंड डिस्ट्र्रीक्ट्स क्रिकेट क्लब टीमचा कर्णधार गॅरेथ मॉर्गन याने अखेरची ओव्हर टाकली. गॅरेथने या ओव्हरमधील 6 चेंडूमध्ये 6 विकेट्स घेत सरफर्स पॅराडाईजला ऑल आऊट केलं. यासह मॉर्गनने टीमला अशक्य असा विजय मिळवून दिला.