GT vs SRH IPL 2023 Score : गुजरात टायटन्सने हैदराबादचा पराभव करत बुक केलं प्ले-ऑफचं तिकीट
Gujarat Titans vs Sunrisers Hyderabad IPL 2023 Score in Marathi : गुजरात टायटन्सने सलग दुसऱ्यांदा प्लेऑफमध्ये प्रवेश केला आहे. या मोसमात प्लेऑफमध्ये पोहोचणारा हा संघ पहिला संघ ठरला आहे.
मुंबई : आयपीएलमधील 62 वा सामना गुजरात टायटन्स आणि सनरायझर्स हैदराबाद यांच्यातील सामन्यात गुजरात संघाने 34 धावांनी विजय मिळवला. या विजयासह गुजरात यंदाच्या मोसमातील प्ले-ऑफमध्ये आपली जागा पक्की करणारा पहिला संघ ठरला आहे. गुजरात संघाने प्रथम फलंदाजी करताना 20 षटकांत 9 गडी गमावून 188 धावा केल्या होत्या. या लक्ष्याचा पाठलाग करताना हैदराबादचा संघाल 20 षटकांत 154-9 धावाच करता आल्या.
गुजरात संघाने या विजयासह प्ले-ऑफमध्ये आपलं स्थान पक्क केलं आहे. आता शेवटचा सामना आरसीबीसोबत 21 मेला खेळवला जाणार आहे.
दोन्ही संघांची टीम 11
गुजरात टायटन्स (प्लेइंग इलेव्हन): शुभमन गिल, ऋद्धिमान साहा (w), साई सुदर्शन, हार्दिक पंड्या (C), डेव्हिड मिलर, दासुन शनाका, राहुल तेवतिया, मोहित शर्मा, रशीद खान, मोहम्मद शमी, नूर अहमद
सनरायझर्स हैदराबाद: अभिषेक शर्मा, राहुल त्रिपाठी, एडन मार्कराम (C), हेनरिक क्लासेन (W), अब्दुल समद, सनवीर सिंग, मयंक मार्कंडे, मार्को यानसेन, भुवनेश्वर कुमार, फजलहक फारूकी, टी नटराजन
LIVE Cricket Score & Updates
-
गुजरातचं प्ले-ऑफमध्ये स्थान पक्क
गुजरात टायटन्स संघाने सनराइजर्स हैदराबाद संघावर 34 धावांनी विजय मिळवला आहे. गुजरातकडून मोहित शर्मा आणि मोहम्मद शमी यांनी प्रत्येकी 4 बळी घेत विजयामध्ये मोलाची भूमिका बजावली.
-
GT vs SRH : क्लासेन आऊट
मोहम्मद शमी याने क्लासेनला बाद करत सामना गुजरात संघाच्या पारड्यात टाकला आहे. क्सासेन एकटी झुंज सुरू होती मात्र 64 धावांवर तो कॅचआऊट झाला. या विकेटसह शमीने चार विकेट्स घेतल्या.
-
-
GT ve SRH :
हेनरिक क्लासेन याने 33 चेंडूंमध्ये आपलं अर्धशतक पूर्ण केलं आहे. यामध्ये त्याने 2 चौकार आणि 2 षटकार मारले आहेत.
-
GT vs SRH
हैदराबाद संघाच्या 59 धावांवर 7 विकेट्स पडल्या असून आता मैदानात क्लासेन आणि भुवनेश्वर खेळत आहेत. सनराईजर्स संघाला 111 धावांची 56 चेंडूंमध्ये गरज आहे.
-
GT vs SRH : अभिषेक शर्मा आऊट
सनरायझर्स हैदराबादला दुसऱ्या षटकात अभिषेक शर्माच्या रूपाने 11 धावांवर दुसरा धक्का बसला. यश दयालने अभिषेकला वैयक्तिक 5 धावांवर बाद केले.
-
-
GT vs SRH Live Score :
गुजरात टायटन्सने 20 षटकांत 9 गडी गमावून 188 धावा केल्या. धावसंख्या 220 पर्यंत जाईल असे वाटत असले तरी अखेरच्या षटकात हैदराबादने शानदार पुनरागमन केले. भुवनेश्वर कुमारने पाच विकेट घेतल्या. गुजरातकडून शुभमन गिलने 101 धावा केल्या असून त्याचं हे आयपीएलमधील पहिले शतक आहे.
-
GT vs SRH : साई सुदर्शन आऊट
15 व्या षटकात, 147 धावांवर गुजरात टायटन्सची दुसरी विकेट पडली. साई सुदर्शन 47 धावा करून बाद झाला. मार्कोने सुदर्शनला झेलबाद केलं.
-
GT vs SRH : पॉवरप्ले गुजरात टायटन्सच्या नावावर
पॉवरप्ले गुजरात टायटन्सच्या नावावर राहिला. 6 षटकांनंतर गुजरात टायटन्सची धावसंख्या एका विकेटवर 65 आहे. शुबमन गिल 16 चेंडूत 6 चौकारांच्या मदतीने 36 धावांवर खेळत आहे. तर साई सुदर्शन 4 चौकारांसह 21 धावांवर खेळत आहे.
-
GT vs SRH : दासुन शनाका पदार्पण
श्रीलंकेचा कर्णधार दासुन शनाकाला आज पदार्पण करण्याची संधी मिळाली. याशिवाय यश दयालचेही संघात पुनरागमन झाले आहे. विजय शंकरला काल सराव सुरू असताना दुखापत झाली.
-
स्टार खेळाडू बाहेर
गुजरात संघाचा ऑल राऊंडर खेळाडू विजय शंकर दुखापतीमुळे बाहेर आहे. त्याच्या जागी साई सुदर्शन याला संधी मिळाली आहे.
-
सनरायझर्स हैदराबाद प्लेइंग 11
सनरायझर्स हैदराबाद (प्लेइंग इलेव्हन): अभिषेक शर्मा, राहुल त्रिपाठी, एडन मार्कराम (C), हेनरिक क्लासेन (W), अब्दुल समद, सनवीर सिंग, मयंक मार्कंडे, मार्को जॅनसेन, भुवनेश्वर कुमार, फजलहक फारूकी, टी नटराजन
-
गुजरात टायटन्स संघाची प्लेइंग 11
गुजरात टायटन्स (प्लेइंग इलेव्हन): शुबमन गिल, ऋद्धिमान साहा (w), साई सुदर्शन, हार्दिक पांड्या (C), डेव्हिड मिलर, दासुन शनाका, राहुल तेवतिया, मोहित शर्मा, रशीद खान, मोहम्मद शमी, नूर अहमद
-
हैदराबादने जिंकला टॉस
सनराईजर्स हैदराबाद संघाचा कर्णधार एडन मार्क्रमने टॉस जिंकत प्रथम बॉलिंग करण्याचा निर्णय घेतला आहे.
-
GT vs SRH : हेड टू हेड
गुजरात टायटन्स आणि सनरायझर्स हैदराबाद हे आयपीएलमध्ये आतापर्यंत फक्त दोनदा आमनेसामने आले आहेत. दोन्ही संघांनी 1-1 वेळा सामना जिंकला आहे.
Published On - May 15,2023 6:13 PM
