LSG vs KKR IPL 2022: डि कॉक-राहुलने KKR च्या बॉलर्सची पिसं काढली, बिनबाद 210 धावा ठोकल्या, पहा VIDEO

मुंबई: कोलकाता नाइट रायडर्स आणि लखनौ सुपर जायंट्समध्ये (KKR vs LSG) नवी मुंबईच्या डी.वाय.पाटील स्टेडियमवर सामना सुरु आहे. आयपीएलमधला हा 66 वा सामना आहे. आज प्रथम फलंदाजी करणाऱ्या लखनौ सुपर जायंट्सच्या सलामीवीरांनी तुफान बॅटिंग केली. LSG ने नो लॉस 210 धावांचा डोंगर उभा केला. केकेआरच्या गोलंदाजांची लाज काढली. क्विंटन डि कॉक (Quinton de Kock) आणि लोकेश राहुलने (Lokesh Rahul) द्विशतकी भागीदारी केली. क्विंटन डि कॉकने 70 चेंडूत 140 धावा चोपल्या. यात 10 चौकार आणि 10 षटकार होते. कॅप्टन केएल राहुलने चांगली साथ दिली. त्याने 51 चेंडूत 68 धावा फटकावल्या. यात तीन चौकार आणि चार षटकार होते. क्विंटन डि कॉकने आयपीएल 2022 च्या सीजनमधलं पहिलं शतक झळकावलं. आयपीएल करीयरमधलं त्याचं हे दुसर शतक आहे. त्याने केएल राहुलसोबत रेकॉर्ड भागीदारी केली.

And it’s 50! Humare KL jaisa koi nahi ???#AbApniBaariHai? #IPL2022 ? #bhaukaalmachadenge #LSG #LucknowSuperGiants #T20 #TataIPL #Lucknow #UttarPradesh #lsg2022 pic.twitter.com/yYN4Ya2iKU

— Lucknow Super Giants (@LucknowIPL) May 18, 2022

सर्वात मोठ्या पार्टनरशिपचा रेकॉर्ड

डि कॉकने फक्त 59 चेंडूत शतक झळकावलं. याआधी दिल्लीकडून खेळताना 2016 साली त्याने सेंच्युरी ठोकली होती. शतक झळकावल्यानंतर टिम साउदीच्या 19 व्या षटकात त्याने तीन षटकार ठोकले. आंद्रे रसेलच्या 20 षटकात चार सिक्स मारल्या. लखनौसाठी शतक झळकावणारा तो दुसरा फलंदाज बनला आहे. याआधी केएल राहुलने या सीजनमध्ये दोन शतकं झळकावली आहेत. आयपीएलच्या इतिहासात सलामीला येऊन सर्वात मोठ्या पार्टनरशिपचा रेकॉर्ड त्यांनी रचला.

क्विंटन डि कॉकने मारलेले 10 फोर, 10 सिक्स इथे क्लिक करुन पहा

राहुलच्या सलग पाचव्या सीजनमध्ये 500 धावा

केएल राहुल आयपीएलमध्ये नेहमीच दमदार खेळ दाखवतो. आजही त्याने तसंच प्रदर्शन केलं. त्याने 500 धावा पूर्ण केल्या आहेत. सलग पाचव्या सीजनमध्ये राहुलने अशी कामगिरी केली आहे. लखनौने 13 पैकी 8 सामने जिंकले आहेत. प्लेऑफमध्ये दाखल होण्यासाठी दोन्ही संघांना आज विजय आवश्यक आहे.