Test Cricket: एकमेव कसोटी सामन्यासाठी संघ जाहीर, कर्णधार कोण?
Test Cricket: क्रिकेट बोर्डाने एकमेव कसोटी सामन्यासाठी अवघ्या 8 सामन्यांचा अनुभव असलेल्या खेळाडूला नेतृत्वाची जबाबदारी दिली आहे.
झिंबाब्वेला विरुद्ध टीम इंडिया यांच्यात काही दिवसांपूर्वी टी 20 मालिक पार पडली. टीम इंडियाने ही मालिका 4-1 ने जिंकली. झिंबाब्वेला घरात पाहुण्या आणि युवा संघाकडून पराभूत व्हावं लागलं. झिंबाब्वेने मालिकेतील पहिला सामना जिंकून जोरदार सुरुवात केली होती. मात्र त्यानंतर शुबमन गिल याच्या नेतृत्वात टीम इंडियाने विजयी चौकार लगावत मालिका आपल्या नावावर केली. त्यानंतर टीम इंडिया आता झिंबाब्वे दौरा करणार आहे. या दौऱ्यात भारतीय संघ टी 20i आणि वनडे सीरिज खेळणार आहे.
तर दुसर्‍या बाजूला झिंबाब्वे आयर्लंड दौऱ्यावर जाणार आहे. आयर्लंड विरुद्ध झिंबाब्वे यांच्यात एकमेव कसोटी सामना खेळवण्यात येणार आहे. या एका कसोटीसाठी आयर्लंड क्रिकेट बोर्डाने 14 सदस्यीय संघ जाहीर केला आहे. आयसीसी आणि आयर्लंड क्रिकेट बोर्डाने सोशल मीडियावरुन याबाबतची माहिती दिली आहे. गेविन होई या युवा लेग स्पिनरची पहिल्यांदाच टीममध्ये निवड करण्यात आली आहे. तसेच अँड्रयू बालबर्नी हा आयर्लंडचं नेतृत्व करणार आहे. अँड्रयूला 8 कसोटी सामन्यांचा अनुभव आहे. तर क्रेग एर्विन हा झिंबाब्वेचा कर्णधारपद सांभाळणार आहे.
सामना कधी आणि कुठे?
दरम्यान आयर्लंड विरुद्ध झिंबाब्वे यांच्यातील एकमेव कसोटी सामना हा 25 ते 29 जुले दरम्यान बेलफास्ट येथे खेळवण्यात येणार आहे. दोन्ही संघांमध्ये कडवी झुंज पाहायला मिळणार आहे.त्यामुळे एकमेव सामना कोणती टीम जिंकते? याकडे क्रिकेट चाहत्यांचं लक्ष असणार आहे.
आयर्लंड संघ जाहीर
Ireland have named their squad for the historic one-off Test at home against Zimbabwe 👀#IREvZIMhttps://t.co/AA05MTj6bd
— ICC (@ICC) July 17, 2024
आयर्लंड कसोटी संघ: अँड्र्यू बालबर्नी (कर्णधार), मार्क अडाअर, कर्टिस कॅम्फर, गेविन होई, ग्रॅहम ह्यूम, मॅथ्यू हम्फ्रेज, अँडी मॅकब्राईन, बॅरी मॅककार्थी, जेम्स मॅककोलम, पीजे मूर, पॉल स्टर्लिंग, हॅरी टेक्टर, लॉर्कन टकर आणि क्रेग यंग.
एकमेव कसोटी सामन्यासाठी झिंबाब्वे टीम: क्रेग एर्विन (कर्णधार), ब्रायन बेनेट, जोनाथन कॅम्पबेल, तेंडाई चतारा, तनाका चिवांगा, जॉयलॉर्ड गुम्बी, रॉय काईया, क्लाइव्ह मदांडे, वेलिंग्टन मसाकादझा, प्रिन्स मासवारे, ब्लेसिंग मुझाराबानी, डिओन मायर्स, रिचर्ड एनगारावा, व्हिक्टर न्याउची आणि सीन विल्यम्स.
