MI vs SRH IPL 2022: 6,4,4, धोपटलं ते पण बुम बुम बुमराहला, हैदराबादच्या तरुणांनी MI ची गोलंदाजी फोडून काढली, VIDEO
MI vs SRH IPL 2022: मुंबई इंडियन्सने आजच्या सामन्यात दोन बदल केले आहेत. संजय यादवने आज मुंबईकडून डेब्यू केला. त्याशिवाय मयंक मार्कंडेयला आज पुन्हा संधी दिली.
मुंबई: वानखेडे स्टेडियमर आज मुंबई इंडियन्स आणि सनरायजर्स हैदराबादमध्ये (MI vs SRH) सामना सुरु आहे. IPL 2022 स्पर्धेतला हा 65 वा सामना आहे. मुंबईचा कॅप्टन रोहित शर्माने आज टॉस जिंकून प्रथम गोलंदाजीचा निर्णय घेतला. मुंबईचा संघ प्लेऑफच्या शर्यतीतून आधीच बाहेर झाला. त्यामुळे प्रतिष्ठाराखण्यापुरतीच मुंबईसाठी हा सामना महत्त्वाचा आहे. मुंबई इंडियन्सने आतापर्यंत 12 पैकी फक्त 3 सामने जिंकले आहेत. त्याचवेळी हैदराबादने सलग पाच सामने गमावलेत. पॉइंटस टेबलमध्ये (IPL Points Table) त्याने 10 पॉइंटस झाले आहेत. पहिले दोन सामने गमावल्यानंतर त्यांनी सलग पाच सामने जिंकले व आपल्याबद्दलच्या अपेक्षा वाढवल्या. पण नंतर सलग पाच सामने गमावले. आज मुंबई इंडियन्सविरुद्ध 13 वा सामना खेळत आहेत. आजचा सामना हैदराबादसाठी ‘करो या मरो’ आहे. कारण आजचा सामना हरला, तर हैदराबादचं स्पर्धेतील आव्हान संपुष्टात येईल. पण आज जिंकले, तर प्लेऑफच्या शर्यतीत ते टिकून राहतील. पण म्हणून ते प्लेऑफमध्ये दाखल होतीलच, असं ठामपणे म्हणता येणार नाही. कारण आजचा आणि पुढचा सामना जिंकला, तरी त्यांना दुसऱ्या संघांच्या निकालावर अवलंबून रहावं लागेल.
Good luck on your debut in the ???? & ????, Sanjay! ?
मुंबई इंडियन्सला आज पहिला विकेट लवकर मिळाला. संघाची धावसंख्या 18 असताना, अभिषेक शर्मा बाद झाला. डॅनियल सॅम्सने अभिषेकला 9 धावांवर मार्केडयेकरवी झेलबाद केलं. पण प्रियम गर्ग आणि राहुल त्रिपाठीने फक्त डावच सावरला नाही, तर वेगाने धावा जमवल्या. पावरप्लेच्या सहा षटकात हैदराबादच्या एकबाद 57 धावा झाल्या आहेत. 9 ओव्हर्समध्ये हैदराबादच्या एक बाद 89 धावा झाल्या आहेत. राहुल त्रिपाठी आणि प्रियम गर्ग दोघे फटकेबाजी करतायत. जसप्रीत बुमराहच्या पहिल्याच ओव्हरमध्ये राहुल त्रिपाठीने हल्लाबोल केला. बुमराहच्या पहिल्याच षटकात 15 धावा लुटल्या.
