Shoaib Akhtar: ‘सॉरी भावा, याला….’ शोएब अख्तरला मोहम्मद शमीचा सणसणीत टोला

नवी दिल्ली: T20 वर्ल्ड कप सुरु झाल्यापासून पाकिस्तानचा माजी वेगवान गोलंदाज शोएब अख्तर सोशल मीडियावर सक्रीय होता. तो सातत्याने मतप्रदर्शन करत होता. खासकरुन भारताच्या सामन्यांवर तो टिप्पणी करायचा. भारत पराभूत झाल्यावर त्याला विशेष आनंद व्हायचा. हे त्याच्या वक्तव्यावरुन लक्षात यायचं. खासकरुन पाकिस्तानची टीम फायनलमध्ये पोहोचल्यानंतर त्याच्या भारताबद्दलच्या खऱ्या भावना समोर आल्या होत्या.

पाकिस्तानची टीम लढली, पण….

आज टी 20 वर्ल्ड कपच्या फायनलमध्ये पाकिस्तानची टीम हरली. इंग्लंडने पाकिस्तानवर 5 विकेट राखून विजय मिळवला. पाकिस्तानची फलंदाजी फ्लॉप ठरली. पण पाकिस्तानी गोलंदाज लढले. त्यांनी सहजासहजी हार मानली नाही. पण धावसंख्या तोकडी असल्यामुळे अखेर त्यांचा पराभव झाला.

Sorry brother

It’s call karma ??? https://t.co/DpaIliRYkd

— Mohammad Shami (@MdShami11) November 13, 2022

शमीने दिला रिप्लाय

पाकिस्ताच्या पराभवानंतर शोएब अख्तर तुटलेल्या हार्टचा इमोजी पोस्ट केल्या. त्यावर भारताचा वेगवान गोलंदाज मोहम्मद शमीने रिप्लाय केलाय. सॉरी भावा, याला कर्म म्हणतात, असा संदेश लिहून तुटलेल्या हार्टचा इमोजी पोस्ट केलाय.

शोएब अख्तर भारताविषयी नको तेवढ मतप्रदर्शन करत होता. भारत-पाकिस्तानमध्ये वर्ल्ड कप फायनल व्हावी आणि पाकिस्तानने त्यात विजय मिळवावा, अशी त्याची मनापासून इच्छा होती. पण असं घडलं नाही. पाकिस्तानचा वर्ल्ड कप फायनलमध्ये इंग्लंडकडून पराभव झाला.