Ramesh Powar | दिग्गजांना पछाडत रमेश पोवार भारतीय महिला क्रिकेट संघाच्या प्रशिक्षकपदी

बीसीसीआयने (Bcci) ट्विट करत याबाबतची माहिती दिली आहे.

BCCI

sanjay patil | Updated on: May 13, 2021 | 7:59 PM

मुंबई : भारतीय महिला क्रिकेट टीमला (Indian Womens Cricket team) नवा प्रशिक्षक मिळाला आहे. टीम इंडियाचे माजी क्रिकेटपटू रमेश पोवार (Ramesh Powar) यांची महिला क्रिकेट टीमच्या प्रशिक्षपदी निवड करण्यात आली आहे. बीसीसीआयने ट्विट करत याबाबतची माहिती दिली आहे. पोवारांनी अनेक दिग्गजांना पछाडत बाजी मारली आहे. पोवार डब्ल्यूव्ही रमन यांची जागा घेणार आहेत. बीसीसीआयने प्रशिक्षकपदासाठी 13 एप्रिलला जाहिरात प्रसिद्ध केली होती. त्यानंतर अनेक दिग्गज क्रिकेटपटूंनी अर्ज दाखल केले होते. मात्र सर्व प्रक्रियेनंतर पोवार सरस ठरले आहे. (Ramesh Powar appointed Head Coach of Indian Womens Cricket team)

NEWS: Ramesh Powar appointed Head Coach of Indian Women’s Cricket team

Details ? https://t.co/GByGFicBsX pic.twitter.com/wJsTZrFrWF

— BCCI Women (@BCCIWomen) May 13, 2021

एकूण 35 जण इच्छूक

महिल्या संघाच्या प्रशिक्षकपदासाठी एकूण 35 जणांनी अर्ज केले होते. त्यातून 8 जणांची निवड करण्यात आली होती. यामध्ये डबल्यू व्ही रमन, रमेश पवार, ऋषिकेश कानिटकर, अजय रात्रा, सुमन शर्मा, ममाथा माबेन, हेमलता काला आणि देविका वैद्य यांचा समावेश होता. या 8 जणांची मुलाखत ही (Cricket Advisory Committee) बीसीसीआयच्या सल्लागार समितीने घेतली. या समितीमध्ये मदन लाल, सुलक्षणा नाईक आणि आरपी सिंगचा समावेश होतेा. मात्र या 8 जणांना पोवार पुरुन उरले. अखेर सल्लागार समितीने पोवार यांची प्रशिक्षक पदासाठी नाव अंतिम केलं.

पोवारांची प्रशिक्षक म्हणून दुसरी वेळ

प्रशिक्षक म्हणून पोवारांची ही दुसरी वेळ आहे. त्यांनी याआधी जुलै-नोव्हेंबर 2018 मध्ये भारतीय महिला क्रिकेट संघाचं प्रशिक्षकपद सांभाळलंय. पोवारांच्या प्रशिक्षणाखाली महिला टीमने 2018 च्या टी 20 वर्ल्ड कपमध्ये सेमी फायनलपर्यंत मजल मारली होती. पृथ्वी शॉने त्याच्या नेतृत्वात मुंबईला विजय हजारे करंडक मिळवून दिला होता. यावेळेस पोवार हे मुंबई टीमचे प्रशिक्षक होते.

रमेश पोवारांची क्रिकेट कारकिर्द

रमेश पोवारांनी 31 एकदिवसीय आणि 2 कसोटी सामन्यांमध्ये टीम इंडियाचं प्रतिनिधित्व केलं आहे. यामध्ये त्यांनी कसोटीत 6 तर वनडेत 34 विकेट्स मिळवल्या आहेत. यासह त्यांनी फर्स्ट क्लास क्रिकेटमध्ये 148 सामने खेळले आहेत. यामध्ये त्यांनी 470 विकेट्स पटकावल्या आहे. सोबत 4 हजार 245 धावाही केल्या आहेत. क्रिकेटमधून निवृत्ती घेतल्यानंतर त्यांनी प्रशिक्षणाकडे दौरा वळवला.

संबंधित बातम्या :