धोनीकडून जाडेजाची नक्कल, आता ‘सर जाडेजा’चा भन्नाट रिप्लाय

मुंबई : भारताचा माजी कर्णधार एम एस धोनी (MS Dhoni) आणि अष्टपैलू खेळाडू रवींद्र जाडेजा (Ravindra Jadeja) यांची जोडी सुपरहिट आहे. अनेक मॅचेसमध्ये धोनीने स्टम्पमागून काहीतरी सांगावं, जाडेजाने ते फॉलो करावं आणि प्रतिस्पर्धी संघाची विकेट जावी, हे समीकरण गेले अनेक दिवस ठरलेलं…! आयपीएलमध्येही दोघेही चेन्नईकडून खेळतात. तिथेही धोनी-जाडेजा आपल्या खेळाने धमाल करतात. क्रिकेटशिवाय दोघांमध्येही विशेष जिव्हाळ्याचं नातं आहे. दोघेही अनेकवेळा एकमेकांची चेष्टा मस्करी करताना दिसून येतात. जाडेजाच्या एक स्टाईलची धोनीने नक्कल केलीय. आता सर जाडेजानेही धोनीला मजेशीर रिप्लाय दिला आहे. (Ravindra Jadeja Reply To MS Dhoni Over Sword Celebration)

धोनीकडून जाडेजाची नक्कल

आयपीएलच्या चेन्नई सुपर किंग्जने महेंद्रसिंग धोनीचा एक व्हिडीओ शेअर केला आहे. या व्हिडीओत धोनी अष्टपैलू रवींद्र जाडेजाची नक्कल करताना दिसून येत आहे. जाडेजा शतक किंवा अर्धशतक ठोकल्यानंतर जशी तलवारबाजी करतो तशीच तलवारबाजी व्हिडीओत धोनी करताना दिसून येत आहे.

View this post on Instagram

A post shared by Chennai Super Kings (@chennaiipl)

जाडेजाचा मजेशीर रिप्लाय

मात्र धोनीच्या हातात बॅट दिसून येत नाहीय. जाडेजाने हिच गोष्ट हेरली. अन् धोनीला आपल्या अंदाजात रिप्लाय दिला. बॅट हातात असल्यानंतर असा प्रयत्न करायला हवा, असा मजेशीर रिप्लाय जाडेजाने धोनीला दिला.

जाडेजाचा धोनीला रिप्लाय

आयपीएलमध्ये जाडेजाची दमदार कामगिरी

नुकत्याच स्थगित झालेल्या आयपीएलमध्ये जाडेजाने हारदार कामगिरी केली. बंगळुरुविरुद्धच्या सामन्यात त्याने एकाच ओव्हरमध्ये 37 धावा लुटल्या तसंच 3 विकेट्स घेऊन बंगळुरुचं कंबरडं मोडलं. मुंबईच्या वानखेडे स्टेडियमवर सर रवींद्र जाडेजाने (Ravindra Jadeja) क्रिकेट रसिकांच्या डोळ्यांचं पारणं फेडलं तर बॅट आणि बॉलच्या मधुर आवाजाने प्रेक्षकांचे कान मंत्रमुग्ध केले. पर्पल कॅप होल्डर हर्षल पटेलच्या (Harshal Patel) एकाच ओव्हरमध्ये जाडेजाने 37 धावांची लूट केली.

(Ravindra Jadeja Reply To MS Dhoni Over Sword Celebration)

हे ही वाचा :

ENG vs NZ : इंग्लंडला मोठा झटका, या कारणामुळे जोफ्रा आर्चर कसोटी संघाबाहेर!

आधी म्हणाली विराट माझा फेव्हरेट, आता सांगितलं दुसरंच नाव, रश्मिका मंदानाने कोहलीसह RCB च्या चाहत्यांचं हृदय तोडलं!

‘माही सरांकडून मला खूप मदत मिळाली’, भारतीय महिला क्रिकेट संघातील या खेळाडूला धोनीची शिकवणी!