IND vs NZ : न्यूझीलंडविरुद्ध भारतीय संघ जाहीर, प्रियांक पांचाळ कर्णधार, संघात आणखी कोण? जाणून घ्या
IND vs NZ : भारतीय संघ पुढील महिन्यात न्यूझीलंड संघाविरुद्ध 4 दिवसांचे 3 सामने आणि तितके एकदिवसीय सामने खेळणार आहे. यासाठी बुधवारी भारत अ संघाची घोषणा करण्यात आली आहे. वाचा...
नवी दिल्ली : प्रियांक पांचाळ (Priyank Panchal) याच्याकडे भारत (India) अ संघाची कमान सोपवण्यात आली आहे. भारत अ संघ पुढील महिन्यात न्यूझीलंड (NZ) अ विरुद्ध 4 दिवसांचे 3 सामने आणि तितके एकदिवसीय सामने खेळणार आहे. यासाठी बुधवारी भारत अ संघाची घोषणा करण्यात आली आहे. बंगळुरू आणि हुबळी येथे 4 दिवसांचे सामने खेळवले जातील. तर एकदिवसीय सामने चेन्नईत खेळवले जाणार आहेत. वनडे संघाची घोषणा नंतर केली जाईल. प्रियांक हा भारत ए चा नियमित सदस्य आहे. या वर्षाच्या सुरुवातीला तो भारतीय वरिष्ठ कसोटी संघासोबत दक्षिण आफ्रिकेच्या दौऱ्यावरही गेला होता. दरम्यान, बीसीसीआयनं संघ जाहीर केल्यानं कुणाकुणाला संधी देण्यात आली आहे. याविषयी आता चर्चा सुरू झाली आहे. याविषयी आम्ही तुम्हाला अधिक माहिती देणार आहोत.
बीसीसीआयचं ट्विट
NEWS – India A squad for four-day matches against New Zealand A announced.@PKpanchal9 to lead the team for the same.
Full squad details here ?https://t.co/myxdzItG9o
— BCCI (@BCCI) August 24, 2022
कुणाला संधी?
फलंदाजीची धुरा बंगालचा कर्णधार अभिमन्यू इसवरन, ऋतुराज गायकवाड, रजत पाटीदार आणि सरफराज खान सांभाळतील. त्याचवेळी हैदराबादचा युवा खेळाडू टिळक वर्मा याला आयपीएल आणि देशांतर्गत स्तरावरील उत्कृष्ट कामगिरीचे बक्षीस मिळाले. गोलंदाजी विभागाची जबाबदारी प्रसिद्ध कृष्णा, अर्जन नागवासवाला, उमरान मलिक, यश दयाल, राहुल चहर, सौरभ कुमार आणि कुलदीप यादव या युवा गोलंदाजांवर आहे. कोरोना महामारीनंतर अ संघाचा भारतातील हा पहिलाच दौरा असेल.
शुभमन गिल व्यस्त
मीडिया रिपोर्ट्सनुसार, शुभमन गिलला इंडिया ए चे कर्णधारपद मिळणार आहे. मात्र, गिलला भारत अ संघात स्थान मिळालेले नाही. वृत्तानुसार, गिल काउंटी चॅम्पियनशिपच्या उर्वरित सामन्यांमध्ये ग्लॅमॉर्गनकडून खेळताना दिसणार आहे. गिल सध्या उत्कृष्ट फॉर्ममध्ये असून त्याने झिम्बाब्वेविरुद्धच्या वनडे मालिकेत पहिले शतकही झळकावले आहे. तो काउंटी चॅम्पियनशिपमध्ये खेळताना दिसू शकतो, असे मानले जात आहे. चॅम्पियनशिपच्या डिव्हिजन 2 मध्ये ग्लॅमॉर्गन तिसऱ्या क्रमांकावर आहे. गिल पुढील आठवड्यात इंग्लंडला रवाना होऊ शकतो.
चौथ्या दिवसाच्या सामन्यासाठी भारतीय संघ: प्रियांक पांचाल, अभिमन्यू इसवरन, ऋतुराज गायकवाड, रजत पाटीदार, सरफराज खान, टिळक वर्मा, केएस भरत, उपेंद्र यादव, कुलदीप यादव, सौरभ कुमार, राहुल चहर, प्राणंदिक कृष्णा, उमरान मलिक, मुकेश कुमार, यश दयाल, अर्जन नागवासवाला
