रोहित शर्मा की विराट कोहली, सर्वोत्तम कर्णधार कोण? मोहम्मद शमीचं बेधडक उत्तर
रोहित शर्मा (Rohit Sharma) की विराट कोहली (Virat Kohli), या दोघांपैकी सर्वोत्तम कर्णधार कोण?, अशी चर्चा नेहमीच रंगत असते. याच प्रश्नाचं उत्तर भारतीय संघातल्या एका सिनिअर बोलरने त्याच्या पद्धतीने दिलं आहे.
मुंबई : रोहित शर्मा (Rohit Sharma) की विराट कोहली (Virat Kohli), या दोघांपैकी सर्वोत्तम कर्णधार कोण?, अशी चर्चा नेहमीच रंगत असते. विराट-रोहितचे फॅन्स सोशल मीडियावर ही चर्चा नेहमी करत असतात. किंबहुना गेल्या काही वर्षात रोहित आणि विराटमध्ये सगळं काही आलबेल नसल्याच्या घटना देखील समोर आल्या आहेत. त्यामुळे कर्णधारपदावरुन दोघांमध्ये रस्सीखेच असल्याची चर्चा नेहमी होते. पण याच प्रश्नाचं उत्तर भारतीय संघातल्या एका सिनिअर बोलरने त्याच्या पद्धतीने दिलं आहे. विराट की रोहित, कर्णधार म्हणून दोघांपैकी अधिक चांगलं कोण? असा प्रश्न मोहम्मद शमीला विचारण्यात आला. यावेळी त्याने इशाऱ्या इशाऱ्यात रोहित शर्माला आपली पसंती दिल्याचं पाहायला मिळालं. थेट जरी त्याने रोहित शर्माचं नाव घेतलं नसलं तरी त्याने रोहितची एकंदर केलेली स्तुती पाहून साहजिक शमीला रोहित कर्णधार म्हणून भावतो, याचा उलगडा झाला. ((Virat Kohli Or Rohit Sharma Who Is best Captain Mohammed Shami big statement))
शमीकडून रोहितची तोंडभरुन स्तुती
भारतीय संघातील सिनिअर खेळाडू जो कसोटी क्रिकेटमध्ये भारतीय वेगवान गोलंदाजीचं नेतृत्व करतो त्या मोहम्मद शमीने भारतीय संघाच्या लिमिटेड ओव्हर्सचा उपकर्णधार रोहित शर्माची तोंडभरुन स्तुती केली. शमी म्हणाला, “बोलर म्हणून मी जेव्हाही कधी रोहितकडून सल्ला घेण्यास जातो, त्यावेळी मला तो नेहमी सकारात्मक सल्ला देतो. रोहित सातत्याने गोलंदाजांच्या पाठीमागे ठामपणे उभा राहिलाय. तो गोलंदाजांना मोकळीक देतो, हवी तशी गोलंदाजी करण्याची परवानगी देतो, नवीन प्रयोग करण्याला पाठबळ देतो.. मग एका गोलंदाजासाठी यापेक्षा दुसरं काय हवं असतं…!”
रोहित एक वेगळ्या स्वभावाचा व्यक्ती आहे. तो नेहमी कूल असतो. बॅटिंग करताना मात्र तो शांत नसतो. त्याच्या पद्धतीने तो समोरच्या गोलंदाजांचा समाचार घेत असतो, असंही सांगायला शमी विसरला नाही.
विराटविषयी काय म्हणाला मोहम्मद शमी?
खास करुन वेगवान गोलंदाज आक्रमक असतात पण भारतीय संघात उलटं आहे. आमचा कर्णधार (विराट) जास्त आक्रमक आहे. मी अनेक वेळा सोशल मीडियावर मॅचचे फोटो पाहतो. त्यावेळी कधी कधी मला प्रश्न पडतो विकेट मी घेतलीय की विराटने… मी अनेकदा चेष्टेत विराटला म्हटलं देखील आहे, ती विकेट मी घेतली होती की तू घेतली होती?. विराट गोलंदाजांपेक्षा अधिक सेलिब्रेशन करतो. त्याच्यामध्ये आक्रमकता आहे, तो टीमचं नेतृत्व शानदार पद्धतीने करतो
(Virat Kohli Or Rohit Sharma Who Is best Captain Mohammed Shami big statement)
हे ही वाचा :
भारतीय क्रिकेट संघाला मोठा दिलासा, या दोन दिग्गजांनी कोरोनाला हरवलं!
