अ‍ॅपलचा iPhone16 Pro म्हणजे ‘वेस्ट ऑफ टाइम’ , फेसबुकमध्ये उच्च पदावर राहिलेले आदित्य अग्रवाल यांनी असे का म्हटले?
Aditya Agarwal on iPhone: अ‍ॅपलच्या नवीन iPhone 16 Pro मध्ये 6.3-इंचाचा LTPO सुपर रेटिना XDR OLED डिस्प्ले आहे. जो 120 Hz च्या रिफ्रेश रेटला सपोर्ट करतो. यात A18 Pro बायोनिक चिपसेट आहे. 16 Pro मध्ये 48MP मुख्य कॅमेरा, 12MP पेरिस्कोप टेलीफोटो आणि 48MP अल्ट्रावाइड सेन्सर आहे.
सध्या जगभरात अ‍ॅपलाचा iPhone 16 Pro ची क्रेझ दिसत आहे. मुंबई, दिल्लीत हा आयफोन घेण्यासाठी रांगाही लागल्या होत्या. कंपनीने या लेटेस्ट सीरीजमध्ये अनेक अपग्रेड फिचर्स दिले आहेत. तसेच त्यात अ‍ॅपलचे इंटेलिजन्ससुद्धा दिले आहे. कंपनीच्या या नवीन फीचरची भुरळ अनेकांना पडली आहे. परंतु भारतात जन्मलेले टेक एग्झीक्यूटीव्ह आदित्य अग्रवाल यांना iPhone 16 Pro आवडला नाही. त्यांनी त्याला ‘वेस्ट ऑफ टाइम’ म्हटले आहे.
‘वेस्ट ऑफ टाइम’ आहे आयफोन 16 प्रो
आदित्य अग्रवाल यांना आयफोन 16 प्रोमधील फीचर्स आवडलेले दिसत नाहीत. त्यांनी म्हटले, मी iPhone 14 Pro ला iPhone 16 Pro मध्ये अपग्रेड केले. या दोघांमध्ये मला फारसा फरक दिसला नाही. नवीन फोन सेट करण्यासाठी मला 24 तास लागले. त्यामुळे हा फोन म्हणजे वेळेचा अपव्यय आहे, असेच वाटते. मला अजूनपर्यंत अ‍ॅपलचे इंटेलिजन्स समजले नाही. ते काय काम करत आहे, हे मी समजू शकलो नाही.
आदित्यच्या लग्नात आले होते मार्क झुकरबर्ग
आदित्य अग्रवाल यांच्या लग्न 2010 मध्ये गोव्यात झाले होते. त्या लग्नाला फेसबुकचे सहसंस्थापक मार्क झुकरबर्ग आले होते. आदित्य यांनी फेसबुकमध्ये दीर्घकाळ प्रॉडक्ट इंजिनिअर डायरेक्टर म्हणून काम केले आहे. त्यांनी ड्रॉपबॉक्समध्ये सीटीओ पदावर काम केले आहे. आदित्य अग्रवाल यांनी केलेल्या X वरील पोस्टला लाखो लोकांनी पाहिले आहे. अनेकांनी प्रतिक्रिया दिल्या आहेत. त्यात काही युजरने अ‍ॅपलचे इंटेलिजन्स अजून आले नाही, असे उल्लेख केला आहे. ते अ‍ॅपलकडून दिलेले आश्वासन आहे. काही युजरने नवीन फोन घेणे ही काय हुशारी नाही, असे म्हटले आहे.
I "upgraded" from the iPhone 14 Pro to the iPhone 16 Pro.
I literally cannot tell the difference.
It took me 24 hours to set up the new phone properly etc. It just feels like a waste of time.
And I do not understand where this "Apple Intelligence" is????
— Aditya Agarwal (@adityaag) October 3, 2024
काय आहेत नवीन फीचर्स
अ‍ॅपलच्या नवीन iPhone 16 Pro मध्ये 6.3-इंचाचा LTPO सुपर रेटिना XDR OLED डिस्प्ले आहे. जो 120 Hz च्या रिफ्रेश रेटला सपोर्ट करतो. यात A18 Pro बायोनिक चिपसेट आहे. 16 Pro मध्ये 48MP मुख्य कॅमेरा, 12MP पेरिस्कोप टेलीफोटो आणि 48MP अल्ट्रावाइड सेन्सर आहे.
