Samsung Galaxy M13 : सॅमसंगचे हे दोन फोन उद्या भारतात लॉन्च होणार, जाणून घ्या
एका टिपस्टरनुसार, दोन्ही बजेट गॅलेक्सी हँडसेटमध्ये तीन रंग पर्याय आणि दोन स्टोरेज प्रकार असतील. लॉन्च होण्यापूर्वी स्मार्टफोनची किंमत आणि स्पेसिफिकेशन्सची माहितीही ऑनलाइन आली आहे.
जर नवीन फोन खरेदी करण्याची योजना असेल, तर सॅमसंग (Samsung)चे दोन स्वस्त फोन Samsung Galaxy M13, Galaxy M13 5G आज (14 जुलै) Amazon द्वारे भारतात लॉन्च (Launch) करण्यात येणार आहेत. एका टिपस्टरनुसार, दोन्ही बजेट गॅलेक्सी हँडसेटमध्ये तीन रंग पर्याय आणि दोन स्टोरेज (Storage) प्रकार असतील. लॉन्च होण्यापूर्वी स्मार्टफोनची किंमत आणि स्पेसिफिकेशन्सची माहितीही ऑनलाइन आली आहे. Galaxy M13 5G मध्ये MediaTek Dimensity 700 चिप आणि 6.5-इंचाचा LCD डिस्प्ले आहे असे म्हटले जाते. या वर्षाच्या सुरुवातीला, Exynos 850 चिप आणि 6.6-इंचाचा LCD डिस्प्ले असलेल्या स्मार्टफोनचे 4G मॉडेल लॉन्च करण्यात आले होते.
टिपस्टर पारस गुगलानी यांनी TechYorker च्या सहकार्याने Samsung Galaxy M13 आणि Galaxy M13 5G च्या किंमती, संभाव्य वैशिष्ट्ये आणि कथित रेंडर्सबद्दल माहिती दिली आहे.
दोन्ही मॉडेल्सची किंमत किती ?
आम्ही आधी सांगितल्याप्रमाणे, दोन्ही स्मार्टफोन भारतात 14 जुलै रोजी लॉन्च केले जातील. हँडसेट 23 जुलै रोजी Amazon द्वारे विक्रीसाठी थेट उपलब्ध होण्याची अपेक्षा आहे. टिपस्टरनुसार, Samsung Galaxy M13 ची किंमत 4GB RAM + 64GB स्टोरेज वेरिएंटसाठी 11,999 रुपये आणि 6GB RAM + 128GB स्टोरेज वेरिएंटसाठी 12,999 रुपये असेल. हा स्मार्टफोन ब्राऊन, लाइट ग्रीन आणि डार्क ब्लू कलर पर्यायांमध्ये उपलब्ध असल्याचे सांगण्यात येत आहे.
दुसरीकडे, Galaxy M13 5G ची किंमत 4GB RAM + 64GB स्टोरेज वेरिएंटसाठी 14,999 रुपये आणि 6GB RAM + 128GB स्टोरेज वेरिएंटसाठी 15,999 रुपये आहे. 5G वेरिएंट Aqua Green, Midnight Blue आणि Stardust Brown कलर पर्यायांमध्ये येण्याची अपेक्षा आहे.
Samsung Galaxy M13 5G स्पेसिफिकशन्स
आगामी Galaxy M13 5G मध्ये HD + रिझोल्यूशनसह 6.5-इंचाचा LCD डिस्प्ले दिला जाऊ शकतो. स्मार्टफोनमध्ये 50-मेगापिक्सलचा प्राथमिक कॅमेरा आणि मागील बाजूस 2-मेगापिक्सेल दुय्यम लेन्स असल्याचे म्हटले जाते. समोर, 5-मेगापिक्सेल सेल्फी शूटर असू शकतो. यात MediaTek Dimensity 700 चीप आणि 6000mAh बॅटरी पॅक असण्याची अपेक्षा आहे. असे म्हटले जात आहे की हा फोन Android 12 वर आधारित One UI 4.1 वर काम करेल.
Samsung Galaxy M13 स्पेसिफिकशन्स
Galaxy M13 या वर्षी मे मध्ये लॉन्च झाला होता. भारतात हो फोन समान वैशिष्ट्यांसह उपलब्ध होण्याची अपेक्षा आपण करू शकतो. स्मार्टफोन फुल-एचडी+ रिझोल्यूशनसह 6.6-इंचाचा इन्फिनिटी-व्ही डिस्प्ले दाखवतो. यात 50-मेगापिक्सलचा प्राथमिक कॅमेरा, 5-मेगापिक्सलचा अल्ट्रा-वाइड अँगल सेन्सर आणि मागील बाजूस 2-मेगापिक्सेलचा डेप्थ सेन्सर आहे. समोर, एक 8-मेगापिक्सेल सेल्फी शूटर आहे. हे Exynos 850 चिपसह सुसज्ज आहे आणि Android 12 वर आधारित One UI 4.1 वर चालते. (Samsung Galaxy M13 4G, Galaxy M13 5G Sale starts today, 14 July; Know the Offers, Discount and more in marathi)
