Signal अॅप वापरणाऱ्या भारतीयांसाठी खुशखबर! कंपनी लवकरच जबरदस्त फिचर्स लाँच करणार
व्हाट्सअ‍ॅपच्या नव्या गोपनीयता धोरणामुळे यूझर्सनी सिग्नल मेसेजिंग अॅप मोठ्या प्रमाणात डाऊनलोड करण्यास सुरुवात केली आहे
मुंबई : प्रायव्हसी पॉलिसी बदलल्यानंतर इन्स्टंट मेसेजिंग प्लॅटफॉर्म व्हाट्सअ‍ॅपला चांगलाच फटका बसला आहे. प्रायव्हसीच्या नव्या फंद्यामुळे यूझर्सनी सिग्नल मेसेजिंग अॅप मोठ्या प्रमाणात डाऊनलोड करण्यास सुरुवात केली आहे. या क्रॉस-प्लॅटफॉर्म एन्क्रिप्टेड मेसेजिंग सर्व्हिस सिग्नल अॅपने भारतासह जगातल्या अनेक देशांमध्ये पहिला क्रमांक मिळवला आहे. डाऊनलोडिंगच्या बाबतीत सिग्नल अॅप (Signal App) टॉपवर आहेत. त्यातच आता जास्तीत जास्त भारतीय युजर्सना आकर्षित करण्यासाठी सिग्नल अॅप लवकरच अनेक फिचर्स सादर करणार आहे. कंपनीने त्यांच्या अधिकृत ट्विटर पेजवरुन याबाबतची माहिती दिली आहे. त्यामुळे लवकरच Signal अॅप वापरणाऱ्या भारतीय युजर्सना नवीन फिचर्स मिळणार आहेत. (Signal to roll out chat wallpapers, animated stickers and other features for its Indian Users)
भारतीय युजर्सना चॅट वॉलपेपर आणि अ‍ॅनिमेटेड स्टीकर्सचं फिचर मिळणार आहे. सोबतच युजर्सना त्यांच्या प्रोफाईलसाठी अबाऊट फिल्डही मिळणार आहे. तसेच iOS युजर्सना लवकरच मीडिया ऑटो डाउनलोड आणि फुल स्क्रीन प्रोफाइल फोटो हे पर्याय मिळणार आहेत. हे फिचर अँड्रॉयड युजर्ससाठी आधीच रोलआऊट केलेलं आहे.
Here’s a sneak peek at some new Signal features that will start rolling out in a few days:
• Chat wallpapers! • About field for your Signal profile • Animated stickers • For iOS: Media auto-download settings and full-screen profile photos (to match Android)
Good morning ??! pic.twitter.com/KEAbhMswRI
— Signal (@signalapp) January 12, 2021
कंपनीने ग्रुप कॉल लिमिट 5 वरुन 8 पर्यंत वाढवण्याचा निर्णय घेतला आहे. त्याबाबत त्यांनी ट्विट केलं आहे.
We just raised the group call limit from 5 to 8, so now you can call it even.
— Signal (@signalapp) January 11, 2021
गेल्या आठवड्यात सिग्लने त्यांच्या युजर्सना इतर मेसेजिंग अॅप्सवरुन त्यांचं ग्रुप चॅट सिग्नल अॅपवर कसं ट्रान्सफर करायचं त्याबाबत माहिती दिली होती.
A lot of people have been asking how to move their group chats from other apps to Signal, and Signal group links are a great way to get started. Drop a group link into your former chat app of choice like you’re dropping the mic on the way out. pic.twitter.com/q49DeZufBG
— Signal (@signalapp) January 7, 2021
नवे युजर्स मिळवण्यात सिग्नल अव्वलस्थानी
क्रॉस-प्लॅटफॉर्म एन्क्रिप्टेड मेसेजिंग सर्व्हिस सिग्नल अॅपने भारतासह जगातल्या अनेक देशांमध्ये डाऊनलोडिंगच्या बाबतीत पहिला क्रमांक मिळवला आहे. शनिवारी सिग्नलच्या अधिकृत ट्विटर हँडलवरून यासंबंधी माहिती देण्यात आली आहे. यावेळी त्यांनी एक स्क्रीनशॉट शेअर करत भारतात व्हॉट्सअ‍ॅपला मागे सारत सिग्लनने पहिलं स्थान मिळावल्याचं यामध्ये सांगण्यात आलं आहे. फक्त भारतातच नाही तर जर्मनी, फ्रान्स, ऑस्ट्रिया, फिनलँड, हाँगकाँग, स्वित्झर्लंडमध्येही सर्वाधिक डाउनलोड केलेल्या अ‍ॅप्समध्ये हा अव्वल स्थानावर आहे.
दोन दिवसात एक लाखांहून अधिक नवे युजर्स
रॉयटर्सने त्यांच्या अहवालात दिलेल्या माहितीनुसार, सेन्सर टॉवर डेटाचा हवाला देत गेल्या दोन दिवसांमध्ये सिग्नल अॅप अँड्रॉइड आणि आयओएस डिव्हाइसवर 100,000 पेक्षा जास्त लोकांनी डाउनलोड केला आहे. इतकंच नाही तर, 2021 च्या पहिल्या आठवड्यात व्हॉट्सअॅपच्या नवीन यूजर्समध्ये 11 टक्क्यांनी घट झाली असल्याचंही समोर आलं आहे.
एलॉन मस्कच्या ट्विटनंतर सिग्नल अॅपची लोकप्रियता वाढली
टेस्लाचे मुख्य कार्यकारी अधिकारी एलॉन मस्क यांनी व्हॉट्सअॅपच्या नव्या घोषणेनंतर सांगितलं की, सिग्नल अॅप हा सुरक्षित असल्यानं त्याचा चांगल्या प्रकारे वापर केला जाऊ शकतो. ते स्वतःदेखील हेच अॅप वापरत असल्याचा दावा काही माध्यमांनी केला होता. मस्क यांच्या ट्वीटमुळे ते स्वतः हे अॅप वापरत असल्याच्या बातमीमुळे सिग्नल अॅपची लोकप्रियता वाढली आहे. त्यामुळे गेल्या काही दिवसांत सिग्नल अॅप मोठ्या प्रमाणात डाऊनलोड केलं जात आहे.
संबंधित बातम्या
तुमचा डेटा फेसबुकसोबत शेअर केला जात नाही, नव्या Privacy policy बाबत Whatsapp चं स्पष्टीकरण
व्हॉट्सअ‍ॅप मेसेजेस ग्रुप लिंक Goggle Search वर लीक, WhatsApp कडून भूमिका जाहीर
सावधान! गुगलच्या एका क्लिकवर तुमच्या WhatsApp ग्रुपमध्ये कोणीही होऊ शकतं सहभागी
(Signal to roll out chat wallpapers, animated stickers and other features for its Indian Users)
