Gold Rates | खुशखबर! सोन्याच्या दरात मोठी घसरण, जाणून घ्या नवी किंमत
तज्ज्ञांच्या मते, पुढच्या 3 ते 5 वर्षांत सोन्याचा दर आताच्या तुलनेत दुप्पट होऊ शकतो.
मुंबई : तुम्ही सोने किंवा चांदी विकत घेण्याच्या विचारात असाल तर तुमच्यासाठी एक खुशखबर आहे. जागतिक बाजारपेठेत झालेल्या घडामोडींमुळे देशातल्या सराफा बाजारात सोन्या-चांदीच्या (Gold and Silver Rate Today) किंमती उतरल्या आहेत. दिल्लीत सोन्याचा भाव प्रतितोळा 312 रुपयांनी पडला तर चांदीच्या किंमतीत किलोमागे 1 हजार 37 रुपयांची घट झाली आहे. HDFC सिक्योरिटीजच्या तज्ज्ञांनुसार जागतिक बाजारात सोन्या-चांदीचे दर पडल्याने त्याचा परिणाम भारतीय बाजारपेठेवर झाला आहे. (Gold and silver prices have declined in the India due to developments in the global market)
दिल्लीच्या सराफा बाजारात सोन्याचा दर प्रतितोळा 321 रुपयांनी कमी होऊन 46 हजार 907 रुपयांवर आला आहे. तर चांदीची किंमत प्रतिकिलो 1 हजार 37 रुपयांनी कमी होत आता दिल्लीत चांदीचा दर 66 हजार 128 रुपये आहे.
दुप्पट होऊ शकतो सोन्याचा दर
पुढच्या काही वर्षांत सोन्याच्या किंमती आभाळाला टेकणार असल्याचा असा अंदाज बहुतांश जाणकारांनी वर्तविला आहे. HDFC सिक्योरिटीजच्या तज्ज्ञांच्या मते, पुढच्या 3 ते 5 वर्षांत सोन्याचा दर आताच्या तुलनेत दुप्पट होऊ शकतो. तर पुढच्या 5 वर्षांत 10 ग्रॅम सोन्याचा दर 90 हजारांवर जाऊन पोहोचेल, असे संकेत क्‍वाड्रिगा इग्नियो फंडकडून (Quadriga Igno Fund) देण्यात आले आहेत.
याच काळात आंतरराष्ट्रीय बाजारपेठेत सोन्याचा दर प्रतिऔंस 3000 ते 5000 डॉलर्स इतका असू शकतो. कोरोनाच्या पार्श्वभूमवीर अनेक देशांमध्ये आर्थिक पॅकेजेस (Stimulus Package) दिली जात आहेत. मात्र, त्यामुळे मध्यवर्ती बँकांची अवस्था बिकट होऊ शकते. परिणामी आगामी काळात सोन्याचे दर अक्षरश: गगनाला भिडू शकतात, असे क्‍वाड्रिगा इग्नियो फंडकडून सांगण्यात आले आहे.
संबंधित बातम्या :
Gold Price: पाच वर्षात सोनं सामान्यांच्या आवाक्याबाहेर जाणार, एक तोळा सोन्याचा दर 90 हजारांवर?
Gold: देशात एप्रिल-मे महिन्यात सोन्याची प्रचंड आयात; भारतीय अर्थव्यवस्थेला मोठा फटका
Gold Price Today: सोन्याच्या किंमतीत घसरण, रेकॉर्ड स्तरापेक्षा 8,200 रुपयांनी स्वस्त
