काय सांगताय, केळीच्या खोडाच्या पावडरपासून साकारली बाप्पाची मूर्ती, बघा व्हिडीओ

जळगावातील जय गणेश मित्र मंडळाने केळीच्या खोडाच्या पावडर पासून बाप्पाची मूर्ती बनवून तिची स्थापना केली आहे. पर्यावरण पूरक उत्सव साजरा व्हावा यासाठी जय गणेश मित्र मंडळाने पुढाकार घेऊन केळीच्या खोडाच्या पावडर पासून 100 टक्के पर्यावरण पूरक मूर्ती बनवली आहे. केवळ शंभर टक्के पर्यावरण पूरक मूर्तीच बनवली नाही तर तिची स्थापना सुद्धा केली आहे. वजनाला हलकी आणि दिसायला सुबक आणि आकर्षक अशी मूर्ती नागरिकांचे आकर्षणाचा केंद्रबिंदू ठरत आहे. ही 100% पर्यावरण पूरक असलेली मूर्ती बारा तासात पाण्यामध्ये पूर्णपणे विरघळून जात असल्याची माहिती मंडळाकडून देण्यात आली आहे. तर मूर्ती पाण्यामध्ये पूर्णपणे विरघळल्यानंतर मूर्तीतील घटक पाण्यातील माशांना खाद्य स्वरूपात मिळत असल्याने जलप्रदूषणही होत नसल्याचे जय गणेश मित्र मंडळाच्या कार्यकर्त्यांनी सांगितले.