नादखुळा! मनोज जरांगे पाटील यांचा जबरा फॅन, थेट छातीवर गोंदून घेतला टॅटू

जालना, २ जानेवारी २०२४ : मनोज जरांगे पाटील यांनी मराठा आरक्षण लढा सूरु केला आणि या लढ्याच्या माध्यमातून जरांगे पाटील हे महाराष्ट्रातील कानाकोपऱ्यात पोहचले. या दरम्यान मनोज जरांगे पाटील यांचे फॅन आणि फालोअर्स सर्वाधिक वाढले. तर तरूणाई वर्गात मनोज जरांगे पाटील यांची प्रचंड क्रेझ पाहायला मिळत आहे. अशातच लातूर जिल्ह्यातील भरत पवार या तरुणाने थेट मनोज जरांगे पाटील यांचा फोटो स्वरूपातील टॅटू चक्क आपल्या छातीवर गोंदून घेतला आहे. यावेळी त्यांच्याशी टीव्ही ९ मराठीने संवाद साधला असता भरत पवार या मराठा तरूणाने असे सांगितले की, मनोज जरांगे पाटील यांचा सच्चेपणा मनाला भावला त्यामुळे हा टॅटू छातीवर काढला आणि हा टॅटू मरेपर्यंत आपल्या छातीवर राहिल असेही त्याने म्हटले.