फक्त ‘ही’ एकच अट अन् चविष्ट जेवणावर मिळवा ५० टक्के सूट, कुठं आहे भन्नाट ऑफर?

मुंबई, १५ ऑगस्ट २०२३ | देशभरात स्वातंत्र्य दिन मोठ्या उत्साहात साजरा करण्यात येत आहे. अशातच मुंबईत काही प्रेक्षणीय आणि ऐतिहासिक ठिकाणी तिरंगी रंगाची सजावट करण्यात आल्याचे पाहायाल मिळत आहे. तर राज्यातील प्रमुख तीर्थक्षेत्र मंदिरं आणि १२ ज्योतिर्लिंग मंदिरात देखील स्वातंत्र्य दिनानिमित्त आकर्षक सजावट करण्यात आली आहे. मात्र मुंबईतील एका हॉटेलमध्ये भन्नाट ऑफर नागरिकांना देण्यात आली आहे. राष्ट्रगीत, प्रतिज्ञा बोला आणि जेवणावर ५० टक्के सूट मिळवा, अशी अनोखी ऑफर वरळीतल्या विसावा हॉटेलमध्ये नागिरकांना देण्यात आली आहे. या ऑफरमुळे नागरिकांमध्ये असणारी देशभक्तीची अनोखी चाचणी घेण्यात येत आहे. तरुणांना राष्ट्रगीत किंवा आपली प्रतिज्ञा म्हणता यावी म्हणून स्वातंत्र्य दिनानिमित्त वरळीत अनोखा उपक्रम राबवण्यात आला आहे. राष्ट्रगीत म्हणा किंवा प्रतिज्ञा बोलून दाखवा आणि जेवणावर पन्नास टक्के सूट मिळवा, अशी ही ऑफर वरळीतील हॉटेल विसावामध्ये देण्यात आली आहे. या ऑफरमुळे नागरिकांनी विसावा हॉटेलमध्ये गर्दी केल्याचे पाहायला मिळत आहे.