Kia कंपनी देशात अव्वल, होंडा-फोर्डचे डीलर्स असंतुष्ट; डीलर सर्वेक्षणात खुलासा

मुंबई : फेडरेशन ऑफ ऑटोमोबाईल डीलर्स असोसिएशनने (FADA) केलेल्या सर्वेक्षणात कोरियन कार ब्रँड Kia चे डीलर्स सर्वात समाधानी दिसले, तर Honda Cars चे डीलर्स सर्वात असमाधानी असल्याचे पाहायला मिळाले. किआ इंडिया फोर-व्हीलर मास मार्केट सेगमेंट रँकिंगमध्ये 879 गुणांसह अव्वल स्थानी आहे, तर होंडा कार्स 562 गुणांसह दहाव्या स्थानावर आहे. या काळात उद्योगाचा सरासरी स्कोअर 720 इतका होता. (Kia dealers happiest in India, Honda most dissatisfied: Revealed in Dealer survey)

कार मार्केट लीडर मारुती सुझुकी या यादीत सातव्या, ह्युंदाई सहाव्या आणि टाटा मोटर्स पाचव्या स्थानावर आहे. एसयूव्ही स्पेशलिस्ट महिंद्रा अँड महिंद्रा (Mahindra & Mahindra) आठव्या क्रमांकावर आहे, तर फोर्ड नवव्या क्रमांकावर आहे. कियासह त्याच वर्षी पदार्पण केलेल्या एमजी मोटरने सर्वेक्षणात दुसरे स्थान मिळवले आहे, त्यानंतर टोयोटा तिसऱ्या स्थानावर आहे. हे सर्वेक्षण कंज्यूमर इंसाइट आधारित कंसल्टिंग फर्म अर्थात PremonAsia ने केले आहे.

PremonAsia चे संस्थापक आणि मुख्य कार्यकारी अधिकारी राजीव लोचन म्हणाले की, किआ मोटर्सची कामगिरी सेगमेंट आणि इंडस्ट्री अग्रगण्य रेटिंगसह सर्व घटकांमध्ये स्तुत्य आहे. किआ डीलर्स केवळ स्वच्छतेबाबतच समाधानी नाहीत तर ते उत्पादने आणि त्यांच्या व्यवसायाच्या व्यवहार्यतेबाबत देखील आनंदी आहेत.

उल्लेखनीय म्हणजे, किआ आणि एमजी दोन्ही कंपन्यांकडे मर्यादित उत्पादन पोर्टफोलिओ आहे ज्यात प्रत्येकी तीन मॉडेल समाविष्ट आहेत. मारुती सुझुकी आणि ह्युंदाई सारख्या मार्केट लीडर्सच्या विस्तृत प्रसाराच्या तुलनेत त्यांच्याकडे मर्यादित संख्येने डीलरशिप आहेत. विक्रेत्यांचे समाधान थेट उत्पादनाच्या नॅचुरल रिटेल वातावरणाशी संबंधित आहे, ज्यात मर्यादित मार्केटिंग आणि सेल्स एफर्ट्सचा समावेश आहे. टाटा मोटर्सला या यादीत चौथ्या क्रमांकावर ढकलण्यापूर्वी किआ कंपनी सेल्टॉस आणि सोनेट सारख्या वेगवान उत्पादनांसह बाजारात उभी आहे, ज्यामुळे कंपनीला भारताच्या पदार्पणाच्या एका वर्षानंतर तिसऱ्या स्थानावर पोहोचण्यास मदत झाली.

होंडा मोटारसायकल अँड स्कूटर इंडिया दुचाकी श्रेणीत अव्वल आहे, त्यानंतर हिरो मोटोकॉर्प, टीव्हीएस मोटर कंपनी आणि बजाज ऑटो या कंपन्या अनुक्रमे दुसऱ्या, तिसऱ्या आणि चौथ्या क्रमांकावर आहेत. तर रॉयल एनफील्ड शेवटच्या स्थानावर आहे.

इतर बातम्या

4,111 रुपयांत घरी न्या शानदार कार, Tata च्या Tiago, Tigor, Nexon, Harrier वर 65,000 रुपयांचा डिस्काऊंट

Mahindra Bolero Neo ला भारतीयांची पसंती, एका महिन्याहून कमी कालावधीत 5500 बुकिंग्स

गडकरींच्या ‘सिक्सर’वर कार कंपन्या काय करणार? एअरबॅगनं तुमची कार, ड्रायव्हिंग किती बदलणार?

(Kia dealers happiest in India, Honda most dissatisfied: Revealed in Dealer survey)