SBI मध्ये खातं असेल तर लगेच चेक करा अकाऊंट, बँकेकडून ग्राहकांना ‘Alert’ जारी
एसबीआय बँकेच्या नावावर ग्राहकांना बनावट ईमेल पाठवला जात असल्याचं बँकेनं म्हटलं आहे.
मुंबई : जर भारतीय स्टेट बँकेमध्ये (state bank of india) तुमचंही खातं असेल तर ही बातमी तुमच्यासाठी महत्त्वाची आहे. बँकेने आपल्या ग्राहकांना ट्विट (tweet) करुन एक महत्त्वाचा संदेश जारी केला आहे. यामध्ये बँकेने ग्राहकांना आवाहन केलं आहे की, एसबीआयच्या (SBI) नावे जर तुम्हाला खोटा आणि बनावट ईमेल आला तर त्यास अजिबात उत्तर देऊ नका. एसबीआय बँकेच्या नावावर ग्राहकांना बनावट ईमेल पाठवला जात असल्याचं बँकेनं म्हटलं आहे. त्यामुळे ग्राहकांनी बँकेच्या नावे आलेला मेल खरा आही की फसवणुकीसाठी आहे याची खात्री नक्की करून घ्या असं आवाहन करण्यात आलं आहे. (sbi alert massage for their customers on online fraud)
एसबीआयने ट्विट म्हटलं आहे की, ‘बँक ग्राहकांना विनंती करत आहे की त्यांनी सोशल मीडियावर अलर्ट राहा. कोणत्याही दिशाभूल आणि बनावट मेसेजद्वारे तुमची फसवणूक केली जाऊ शकते’ यामुळे ग्राहकांनी कुठल्याही मेसेजवर आपली खासगी माहिती शेअर करण्याआधी तपासणी करा.
SBI customers are requested to be alert on Social Media and not fall for any misleading and fake messages.#SBI #StateBankOfIndia #CyberSecurity pic.twitter.com/D1IL41PXfB
— State Bank of India (@TheOfficialSBI) November 17, 2020
फसवणुकीच्या घटनांमध्ये वाढ स्टेट बँक ऑफ इंडियाने ग्राहकांनी अलर्ट करण्यासाठी एक व्हीडिओदेखील शेअर केला आहे. यामध्ये आपली कोणतीही खासगी माहिती ऑनलाइन शेअर करू नका असं आवाहन ग्राहकांना करण्यात आलं आहे. बँकेने यामध्ये सावधान, सुरक्षित आणि आलेला मेसेज खरा की फसवणुकीसाठी आहे याची तपासणी करण्याचा सल्ला दिला आहे. (sbi alert massage for their customers on online fraud)
अधिकृत सेवांचा वापर करा बँकेनं ग्राहकांना स्पष्ट केलं आहे की, कोणत्याही प्रकारच्या बँकिंग सेवांसाठी अधिकृत पोर्टलचा वापर करा. जर तुम्ही या सूचनेकडे दुर्लक्ष केलं तर तुम्हाला मोठी किंमत मोजावी लागेल. बँकेने ग्राहकांना सतर्क करण्यासाठी आणखी एक संदेश जारी केला आहे. त्यामध्ये जर तुमच्यासोबत फसवणूक झाली तर तक्रार नोंदवण्यासाठी तुम्ही बँकेच्या अधिकृत पोर्टलवर राज्याचे नाव, लॉगिन आयडी, मोबाइल नंबर आणि ओटीपी अशी माहिती देतस तक्रार नोंदवू शकता.
Be vigilant, be safe. While interacting with us on social media, please check account verification and do not share confidential details online. pic.twitter.com/x2T7ImaCz6
— State Bank of India (@TheOfficialSBI) November 3, 2020
संबंधित बातम्या –
24 तासांत दोन बँकांवर धडक कारवाई, लक्ष्मी विलासनंतर RBI चे आणखी एका बँकेवर निर्बंध
लक्ष्मी विलास बँकेतून महिन्याकाठी काढता येणार फक्त ‘एवढे’ रुपये, RBI ने लादले निर्बंध
(sbi alert massage for their customers on online fraud)
