Poonam Pandey | कुरबुरी सुरुच, मारहाणीनंतर पूनम पांडे रुग्णालयात, नवऱ्याला अटक

पूनम पांडे हिच्यावर लग्नानंतर अवघ्या दहा दिवसातच पोलिस स्टेशनची पायरी चढण्याची वेळ आली होती. पतीने विनयभंग करुन धमकावल्याची तक्रार पूनमने गोव्यात दिली होती. पोलिसांनी दिग्दर्शक सॅम बॉम्बे याला अटक केली, मात्र त्याची जामिनावर सुटकाही झाली.

Poonam Pandey, Sam Bombay

टीव्ही 9 मराठी डिजीटल टीम | Updated on: Nov 09, 2021 | 10:30 AM

मुंबई : अभिनेत्री पूनम पांडेचा (Poonam Pandey) पती सॅम बॉम्बे (Sam Bombay) याला मुंबई पोलिसांनी अटक केली आहे. खुद्द पत्नी पूनम पांडेच्या तक्रारीवरुनच सॅमला पोलिसांनी बेड्या ठोकल्या आहेत. सॅमने आपल्याला मारहाण केल्याची तक्रार पूनमने पोलिसात केली.

विशेष म्हणजे तक्रार नोंदवल्यानंतर पूनम पांडेला रुग्णालयात दाखल करण्यात आल्याचीही माहिती आहे. एएनआयच्या वृत्तानुसार, मुंबई पोलिसांनी सांगितले की, पूनमचे डोके, डोळे आणि चेहऱ्यावर गंभीर जखमा झाल्या आहेत. पूनमच्या तक्रारीवरून सॅमविरुद्ध गुन्हा दाखल करण्यात आला आहे. पोलीस या प्रकरणाचा अधिक तपास करत आहेत.

Maharashtra | Actress Poonam Pandey’s husband Sam Bombay was arrested yesterday in Mumbai after the actress complained that he assaulted her. Poonam Pandey was admitted to a hospital: Mumbai Police

— ANI (@ANI) November 8, 2021

पूनमची गुपचूप लग्नगाठ

बॉयफ्रेंड सॅम बॉम्बेसोबत 11 सप्टेंबरला पूनमने लगीनगाठ बांधली होती. फारसा गाजावाजा न करता पूनम गुपचूप लग्नाच्या बोहल्यावर चढली. पूनम आणि सॅम या दोघांनी लग्न समारंभातील फोटो आपापल्या इन्स्टाग्राम अकाऊंटवर शेअर केले.

पूनम पांडे हिच्यावर लग्नानंतर अवघ्या दहा दिवसातच पोलिस स्टेशनची पायरी चढण्याची वेळ आली होती. पतीने विनयभंग करुन धमकावल्याची तक्रार पूनमने गोव्यात दिली होती. पोलिसांनी दिग्दर्शक सॅम बॉम्बे याला अटक केली, मात्र त्याची जामिनावर सुटकाही झाली. त्यानंतर दोघांनी आपल्यातील वाद मिटवत पुन्हा घरोबा केला.

कोण आहे सॅम बॉम्बे?

46 वर्षीय सॅम अहमद बॉम्बे हा चित्रपट दिग्दर्शक आहे. तर पूनम पांडेने काही चित्रपट आणि म्युझिक व्हिडीओमध्ये काम केले आहे. मॉडेल पूनम पांडे सोशल मीडियावर नेहमीच अ‍ॅक्टिव्ह असते. बर्‍याचदा हॉट फोटो आणि व्हिडिओंमुळे ती चर्चेत राहण्याचा प्रयत्न करते. सोशल मीडियावर तिचा प्रचंड मोठा चाहतावर्ग आहे.