VIDEO | स्टेशनवर किसिंगचा कहर, मुंबईतल्या त्या जोडप्याची जोरदार चर्चा, बिचाऱ्यांवर जीआरपीकडून गुन्हा

प्लॅटफॉर्मच्या कडेला उभे राहून तरुण आणि तरुणी एकमेकांना मिठी मारत आहेत आणि चुंबन घेत आहेत, असं व्हिडीओमध्ये दिसतं. 21 सेकंदांच्या या व्हिडीओत स्टेशनवरील अनाऊन्समेंटही ऐकू येते.

डोंबिवलीत कपल किस करतानाच्या व्हायरल व्हिडीओचा स्क्रीनशॉटImage Credit source: फेसबुक

टीव्ही 9 मराठी डिजीटल टीम | Updated on: Mar 12, 2022 | 8:02 AM

डोंबिवली : रेल्वे स्टेशनवर प्रवाशांच्या गर्दीत प्लॅटफॉर्मवरच प्रेमी युगुल रोमान्स (Couple Kissing) करत असल्याचा एक व्हिडीओ काही दिवसांपूर्वी सोशल मीडियावर व्हायरल (Viral Video) झाला होता. ठाणे जिल्ह्यातील डोंबिवली रेल्वे स्थानकावर (Dombivli) हा प्रकार घडल्याचं समोर आलं. त्यानंतर या प्रकरणी डोंबिवली जीआरपीमध्ये गुन्हा दाखल करण्यात आला असून पोलीस तपास करत आहेत. तरुण-तरुणी एकमेकांच्या मिठीत शिरुन किसिंग करत असल्याचं पाहून उपस्थित प्रवाशांच्याही भुवया उंचावल्या होत्या. त्यामुळे काही प्रवाशांनी हा रोमान्स आपल्या कॅमेरात कैद करत व्हिडीओ सोशल मीडियावर व्हायरल केला.

काय आहे हा व्हिडीओ?

प्लॅटफॉर्मच्या कडेला उभे राहून तरुण आणि तरुणी एकमेकांना मिठी मारत आहेत आणि चुंबन घेत आहेत, असं व्हिडीओमध्ये दिसतं. 21 सेकंदांच्या या व्हिडीओत स्टेशनवरील अनाऊन्समेंटही ऐकू येते. प्लॅटफॉर्म क्रमांक चारवर आलेली लोकल 11 वाजून 4 मिनिटांची.. इतक्या उद्घोषणेनंतर व्हिडीओ थांबतो.

वाढत्या गुन्हेगारीमुळे बदनाम झालेल्या डोंबिवलीत आता असे प्रकार होत असल्याने नागरिकांमधून नाराजी व्यक्त होत आहे. सध्या हा व्हिडीओ सोशल मीडियावर चर्चेचा विषय झाला आहे. कोणी यावर टीका करताना दिसत आहे, तर कोणी या व्हिडीओमध्ये गैर काय, असा सवाल विचारत आहे.

पाहा व्हिडीओ :

डोंबिवली रेल्वे स्टेशनवर तरुण-तरुणी किसिंग करत असतानाचा व्हिडीओ व्हायरल pic.twitter.com/GUAXXjdWS8

— Anish Bendre (@BendreAnish) March 12, 2022

कपल सेम, व्हिडीओ दुसरा

याच कपलचा आणखी एक व्हिडीओ सोशल मीडियावर व्हायरल झाला आहे. हा व्हिडीओ सीएसटी रेल्वे स्थानकावरील असल्याचे बोलले जात आहे. हा दोन्ही व्हिडीओ सोशल मीडियावर मोठ्या प्रमाणावर व्हायरल झाला आहे.

पाहा व्हिडीओ :

डोंबिवली रेल्वे स्टेशनवर तरुण-तरुणी किसिंग करत असतानाचा व्हिडीओ व्हायरल #Couple #Kissing #SocialMedia #ViralVideo pic.twitter.com/KBK462Ov7c

— Anish Bendre (@BendreAnish) March 12, 2022