Andheri Murder : माता न तू वैरिणी ! मनोरुग्ण मुलीची देखरेख जमत नसल्याने आईने केली हत्या, अंधेरीतील धक्कादायक घटना
मयत मुलगी आठ महिन्यांची असताना पडली होती. त्यामुळे तिच्या मेंदूला दुखापत झाली होती, यामुळे ती मनोरुग्ण झाली. यानंतर घरामध्ये नैराश्येचं वातावरण आहे. तेव्हापासून आता 19 वर्षाची होईपर्यंत आई तिची देखभाल करत आहे. मात्र आता आईला तिची देखभाल करणे कठिण झाले होते. यामुळे आईनेच तिची गळफास लावून हत्या केली.
मुंबई : मनोरुग्ण (Mentally Ill) मुलीची देखभाल करणे कठिण होत असल्याने आईनेच आपल्या 19 वर्षीय मुलीची हत्या (Murder) केल्याची धक्कादायक घटना अंधेरीत घडली आहे. याप्रकरणी अंधेरी पोलीस ठाण्यात घटनेची नोंद करण्यात आली असून पोलिसांनी आईला अटक (Arrest) केली आहे. अंधेरी पोलीस स्टेशनच्या हद्दीमध्ये असलेला पारसीवाडा परिसरामध्ये ही घटना घडली आहे. मुलीची हत्या करुन आत्महत्या दाखवण्याचा प्रयत्न केला. मात्र पोलील चौकशीत सर्व उघड झाले. मुलीची देखरेख करणे जमत नसल्याने आपण हे कृत्य केल्याचे तिने पोलिसांना सांगितले. याबाबत अधिक तपास अंधेरी पोलीस करत आहेत.
मुलगी मनोरुग्ण असल्याने देखभाल करणे कठिण झाले होते
मयत मुलगी आठ महिन्यांची असताना पडली होती. त्यामुळे तिच्या मेंदूला दुखापत झाली होती, यामुळे ती मनोरुग्ण झाली. यानंतर घरामध्ये नैराश्येचं वातावरण आहे. तेव्हापासून आता 19 वर्षाची होईपर्यंत आई तिची देखभाल करत आहे. मात्र आता आईला तिची देखभाल करणे कठिण झाले होते. यामुळे आईनेच तिची गळफास लावून हत्या केली. त्यानंतर पोलीस कंट्रोल रुमला फोन करुन मुलीने आत्महत्या केल्याचे सांगितले. पोलिसांनी घटनास्थळी दाखल होत पंचनामा केला. त्यानंतर मृतदेह ताब्यात घेत शवविच्छेदनासाठी रुग्णालयात पाठवला. याप्रकरणी पोलिसांनी आईची चौकशी केली असता आईने हत्येची चौकशी केली असता आईने आपणच हत्या केल्याचे कबुल केले. सध्या अंधेरी पोलिसांनी हत्येचा गुन्हा नोंद करून आरोपी महिलेला अटक केली आहे. (The mentally ill girl was killed by her mother in the andheri as she could not take care of her)
