TET exam scam| जी. ए. सॉफ्टवेअरच्या आणखी दोन कर्मचाऱ्यांना अटक ; तुपे व सावरीकर यांची 30 डिसेंबरापर्यत पोलीस कोठडी वाढवली

या गैरव्यवहारातून मिळवलेली रक्कम सुपे व सावरीकर यांनी जवळच्या नातलगांमध्ये दिल्याची माहिती पुणे पोलिसांनी दिली आहे. या तपासात तुपेंच्या दोन नातेवाईकांनी पुढे येत तुपेनी ठेवायला दिलेली 25 लाख रुपयांची रोकड पोलिसांकडे जमा केली आहे.

भोजपुरी नायकाकडून पत्नीची गळा चिरून निर्घृण हत्या

टीव्ही 9 मराठी डिजीटल टीम | Updated on: Dec 24, 2021 | 12:11 PM

पुणे – शिक्षक पात्रता परीक्षेतील गैरव्यवहारातील तपासात नवनवीन माहिती दररोज समोर येत आहे. गैरव्यवहाराप्रकरणी अटकेत असलेले परीक्षा परिषदेचे निलंबित आयुक्त तुकाराम तुपे यांनी सहकारी आरोपीच्या मदतीने बनावट संकेतस्थळाची निर्मिती केल्याची धक्कादायक माहिती नुकतीच समोर आली आहे. आरोपी तुकाराम तुपे व अभिषेक सावरीकर यांनी जी. ए. सॉफ्टवेअरचा संचालक डॉ. प्रीतिश देशमुखच्या मदतीने बनावट संकेतस्थळाची निर्मिती करत अपात्र विद्यार्थ्यांना पास असल्याचे दाखवले आहे. इतकेच नव्हेतर यासाठी पैसेही घेतल्याची माहिती न्यायालयात दिली आहे. न्यायालयाने सुपे व सावरीकर या दोघांचीही पोलीस कस्टडी 30 डिसेंबरपर्यंत वाढवली आहे.

पैसे परिचितांकडे दिले पैसे

या गैरव्यवहारातून मिळवलेली रक्कम सुपे व सावरीकर यांनी जवळच्या नातलगांमध्ये दिल्याची माहिती पुणे पोलिसांनी दिली आहे. या तपासात तुपेंच्या दोन नातेवाईकांनी पुढे येत तुपेनी ठेवायला दिलेली 25 लाख रुपयांची रोकड पोलिसांकडे जमा केली आहे. आतापर्यंत पोलिसांनी तुपेकडून दोन कोटी 80 लाख रुपयांची रक्कम जमा केली आहे. तुपेच्या घरावर छापा टाकत सुरुवातीला 88 लाखांची रक्कम जप्त केली होती. सुपे यांचे जावई नितीन पाटील व मुलगी कोमल पाटील यांच्याकडूनही 1 कोटी 59 लाखांची रक्कम जप्त करण्यात आली होती.

जी.ए सॉफ्टवेअरच्या दोन कर्मचाऱ्यांना अटक टीईटी परीक्षा गैरव्यवहार प्रकरणात पोलिसांनी जी.ए सॉफ्टवेअर कंपनीच्या आणखी दोन कर्मचाऱ्यांना चौकशी घेतलं ताब्यात घेतले आहे. या कर्मचाऱ्यांना शहरातील हिंजवडी परिसरातून ताब्यात घेण्यात आले आहे. याशिवायतुकाराम तुपेच्या परिकगीत व्यक्तीकडून काही रोकड पोलिसांनी जप्त केली आहे. जप्त करण्यात या आलेल्या रक्कमेचा पंचनामा करण्याचे काम सुरू असल्याची माहिती पोलीस उपायुक्त भाग्यश्री नवटके यांनी दिली आहे.

या गैरव्यवहारात सुपे यांच्यासोबत आणखी काही एजंट, अकादमीचालकही कार्यरत होते का? याचा शोध पोलीस घेत आहेत. पूर्वनियोजित पद्धतीने करण्यात आलेल्या या गुन्ह्याचा तापासाठी पोलिसही वेगवान चक्र फिरवत आहेत. याबाबत आरोपीनकडेही तपास केला जात असल्याची माहिती पोलिसांनी दिली आहे.