पिंपरीतील लॉजवर वेश्या व्यवसाय, प्रसिद्ध अभिनेत्रीसह तिघींची देह व्यापाराच्या दलदलीतून सुटका

पिंपरी चिंचवड : अभिनेत्रीकडून वेश्या व्यवसाय (Illegal Activity) करुन घेतला जात असल्याची धक्कादायक घटना उघडकीस आली आहे. मात्र पिंपरी चिंचवड (Pimpri Chinchwad Crime) सामाजिक सुरक्षा विभागाने तिघी जणींची देह व्यापाराच्या रॅकेटमधून सुटका केली आहे. छत्तीसगडच्या अभिनेत्रीकडून (Chhattisgarh Actress) पिंपरी चिंचवड शहरात वेश्या व्यवसाय करुन घेतला जात असल्याचा आरोप आहे. या अभिनेत्रीसह आणखी दोन महिलांची सुटका करण्यात आली. दोन दलालांना पोलिसांकडून बेड्या ठोकण्यात आल्या आहेत. ही कारवाई ताथवडे येथील साई लॉजवर करण्यात आली.

काय आहे प्रकरण?

छत्तीसगडच्या अभिनेत्रीकडून पिंपरी चिंचवड शहरात वेश्या व्यवसाय करुन घेतला जात असल्याची माहिती पोलिसांना मिळाली होती. याबाबत सामाजिक सुरक्षा विभागाला माहिती मिळाली. त्यानुसार पोलिसांनी पुणे-मुंबई महामार्गावर ताथवडे येथील साई लॉजवर बनावट ग्राहकाच्या माध्यमातून सापळा लावला. त्यानंतर लॉजवर छापा मारुन कारवाई करण्यात आली.

अभिनेत्रीसह आणखी दोन महिलांची सुटका

आरोपी मोबाईलवरुन व्हॉट्सअॅप कॉल करुन वेगवेगळ्या लॉजवर मुली पाठवण्याचे काम करत होते. संबंधित मुली त्यांच्या नावावर हॉटेलमध्ये रूम बुक करत असत. या दलदलीतून छत्तीसगडच्या अभिनेत्रीसह आणखी दोन महिलांची सुटका करण्यात आली. दोन दलालांना पोलिसांकडून बेड्या ठोकण्यात आल्या आहेत.

कोणाकोणाला अटक?

जितेंद्र हस्तीमल बोकाडिया उर्फ हितेश हस्तीमलजी ओसवाल उर्फ महेश उर्फ विकी, हेमंत प्रणाबंधू साहू अशी अटक केलेल्या आरोपींची नावे आहेत. तर त्यांच्यासह मुकेश केशवाणी, करण, युसूफ उर्फ लंगडा शेख यांच्या विरोधात वाकड पोलीस ठाण्यात गुन्हा दाखल करण्यात आला आहे.

संबंधित बातम्या :

पोलिसांनी बोगस ग्राहक पाठवला आणि महिला दलाल जाळ्यात अडकली, कल्याणमध्ये देह व्यापार रॅकेटचा पर्दाफाश

पिंपरीत स्पा सेंटरच्या नावाखाली वेश्या व्यवसाय, महिला मालकासह दोघे अटकेत, चौघींची सुटका

75 बांग्लादेशी मुलींशी लग्न, दोनशे जणींना देह व्यापारात ढकललं, मुंबई-पुण्यासह देशभरात जाळं