पुणे शहरात काय आहे सुरु? आता दगडाने ठेचून केली हत्या
वाढत्या गुन्हेगारीमुळे पुणे पोलीस गुन्हेगारी रोखण्यासाठी अनेक प्रयत्न करत आहे. परंतु पुणे शहरातील गुन्हे कमी होत नाही. आता दगडाने ठेचून हत्या केल्याचा प्रकार उघडकीस आला आहे.
पुणे : कोयता गँगची (koyata gang) पुणे शहरात वाढलेल्या दहशतीमुळे पुणे पोलीस (Pune Police)आक्रमक झाले आहेत. कोयता गँगचा बिमोड करण्यासाठी पोलिसांनी धडका सुरु केला आहे. कोम्बिंग ऑपरेशन, रेकॉर्डवरील गुन्हेगारांची तपासणी करुन पोलीस जबर कारवाई करत आहे. वाढत्या गुन्हेगारीमुळे पुणे पोलीस गुन्हेगारी रोखण्यासाठी अनेक प्रयत्न करत आहे. परंतु पुणे शहरातील गुन्हे कमी होत नाही. आता दगडाने ठेचून हत्या केल्याचा प्रकार उघडकीस आला आहे. पुणेमधील पिंपरी चिंचवड परिसरात हा प्रकर घडला आहे. पिंपरी चिंचवड हद्दीतील महाळुंगे येथे हा खून झाला आहे. आरोपीला म्हाळुंगे पोलिसांनी सापळा रचून अवघ्या चार तासात जेरबंद केलं आहे.
पुणेमधील पिंपरी चिंचवड परिसरात हा प्रकर घडला आहे. पिंपरी चिंचवड हद्दीतील महाळुंगे येथे हा खून झाला आहे. आरोपीला म्हाळुंगे पोलिसांनी सापळा रचून अवघ्या चार तासात जेरबंद केलं आहे. दीपक काशिनाथ राठोड (वय ३५) असे हत्या झालेल्या व्यक्तीचे नाव असून विठ्ठल मंगेश चव्हाण (वय २२) असे आरोपीचे नाव आहे. या प्रकरणी आरोपीविरोधात गुन्हा दाखल करण्यात आला आहे. या घटनेने परिसरात एकच खळबळ उडाली आहे.
नेमके काय घडले
पोलिसांनी दिलेल्या माहितीनुसार, विठ्ठल मंगेश चव्हाण (वय २२) आणि दीपक राठोड एकाच रूमवर राहत होते. दोघांनी दारू पिऊन चायनीजच्या ठेल्यावर जाऊन एकत्र जेवण केले. जेवणादरम्यान त्या दोघांमध्ये किरकोळ कारणावरून वाद झाला. वादामुळे दारुच्या नशेत संतापलेल्या विठ्ठल चव्हाण याची दीपक राठोड सोबत झटापट झाली. विठ्ठलने रस्त्यावर पडलेला दगड दीपकच्या डोक्यात घातला. या घटनेत दीपकचा जागीच मृत्यू झाला. हत्या करुन विठ्ठल घटनास्थळावरून पसार झाला.
चार तासांत जेरबंद
स्थानिकांनी या घटनेची माहिती पोलिसांना दिली. पोलिसांनी आरोपीचा शोध घेण्यासाठी सापळा लावला आणि चार तासांत त्याला पकडले. पोलीस दिसताच विठ्ठल चव्हाण पळून जाण्याच्या तयारीत होता. परंतु पोलिसांनी त्याच्या मुसक्या आवळल्या. पोलिसांनी खाकीचा हिसका दाखवताच त्याने हत्येची कबुली दिली.
