अभिनेता गोविंदा प्रचारासाठी आला पण उमेदवाराचे नाव विसरला… त्याने लोकांना जिंकले पण…

लोकसभा निवडणुकीचा प्रचाराचा तिसरा टप्पा पूर्ण झाला. आता चौथ्या टप्प्यासाठी रणधुमाळी जोरात सुरु आहे. राजकीय नेते प्रचारसभांच्या धडका लावत आहेत. त्याचवेळी राजकीय पक्षांशी संबंधित सेलिब्रेटीज प्रचार सभा अन् रोड शो करत आहेत. बॉलीवूड अभिनेता गोविंदा एकनाथ शिंदे यांच्या शिवसेनेत काही महिन्यांपूर्वीच दाखल झाला. तो आता महायुतीच्या उमेदवारांसाठी निवडणूक प्रचार अन् रोड शो करत आहे. मावळ लोकसभा मतदार संघात गोविंदा महायुतीचे उमेदवार श्रीरंग बारणे यांच्या प्रचारासाठी आला होतो. त्यावेळी तो आला, त्याने पाहिले अन त्याने जिंकलं ही…असे झाले. पण तो कोणाच्या प्रचारासाठी आला हेच विसरला. अखेर भाजप आमदार उमा खापरे यांना त्यांना श्रीरंग बारणे यांचे नाव सांगावे लागले.

नाव घेताना अडखळला मग…

महायुतीचे उमेदवार श्रीरंग बारणे यांच्या रोड शोसाठी गोविंदा रविवारी मावळ लोकसभेत आला होता. त्यावेळी पत्रकार परिषदेत गोविंदा उपस्थितांची नावं घेऊ लागला. पण ज्यांच्या रोड शो साठी तो आला, ते उमेदवार श्रीरंग बारणे त्यांच्या शेजारीच बसले होते. गोविंदा यांना त्यांचे नाव आठवत नव्हते. यामुळे अखेर भाजपच्या आमदार उमा खापरे यांना कानात त्यांचे नाव सांगावे लागले.

हे सुद्धा वाचा

रेल्वे प्रवाशांसाठी खुशखबर, या प्रकारे तिकीट काढल्यास तीन टक्के बोनस, सुरु झाली सुविधा

EPFO वर मिळणार 50,000 रुपयांचा बोनस, फक्त ही एक अट असणार

रेल्वेत तुमच्या बर्थवर कोणी बसू शकत नाही, TTE रात्री तिकीट चेक करु शकत नाही… रेल्वेचे हे नियम तुमच्यासाठी फायदेशीर

Viral Video : पुण्यातील शाळकरी मुलगी हवेत तरंगली, नेटकऱ्यांमध्ये जोरदार चर्चा

अभिनेता गोविंदा प्रचारासाठी आला पण उमेदवाराचे नाव विसरला… #Shivsena #BJP pic.twitter.com/YgRhimrMoQ

— jitendra (@jitendrazavar) May 6, 2024

हे दृश्य कॅमेरात कैद

गोविंदा यांना आमदार उमा खापरे कानात उमेदवाराचे नाव सांगत असतानाचे दृश्य माध्यमांच्या कॅमेरात कैद झाले. हा व्हिडिओ व्हायरल झाला आहे. आता उमेदवाराचे नाव लक्षात नसेल तर गोविंदाला बोलावून काय साध्य झालं? असा प्रश्न गोविंदाच्या उजव्या बाजूला बसलेल्या बारणे यांना नक्कीच पडला असेल. त्यांच्या चेहऱ्यावर तसाच काहीसा प्रश्न निर्माण झाल्याचं ही दिसून येत होतं.

गोविंदा अन् श्रीरंग बारणे

आता रंगली चर्चा

श्रीरंग बारणे यांच्या पिंपरी-चिंचवडमधील संपर्क कार्यालयाचे उद्घाटन गोविंदाच्या हस्ते झालं. त्यानंतर पत्रकारांशी संवाद साधताना ज्यांच्या प्रचारासाठी गोविंदा आला, त्या बारणेंचे नावचं गोविंदाला माहीत नसल्याचे समोर आले. हा व्हिडिओ व्हायरल झाल्यानंतर त्याची चर्चा चांगली रंगली आहे.

मावळमध्ये १३ मे रोजी मतदान

मावळ लोकसभेचं चौथ्या टप्प्यातील मतदान होणार आहे. मावळात महाविकास आघाडी आणि महायुतीमध्ये कांटे की टक्कर होणार आहे. दोन्ही उमेदवारांच्या गाठीभेटी सुरू असून मावळच्या आखाड्यात कोणता उमेदवार बाजी मारेल हे ४ जूनला समजणार आहे. परंतु काळ्या मातीतील पैलवानांनी महाविकास आघाडीचे संजोग वाघिरे यांना पाठिंबा दिला आहे.