‘आमिर खान,आता थांबा’; गर्लफ्रेंड गौरीसोबतचा आमिरचा व्हिडीओ पाहून नेटकरी हैराण
आमिर खान पुन्हा एकदा त्याच्या वैयक्तिक आयुष्याबद्दल चर्चेत आहे. आमिरने गौरी स्प्राटला डेट करत असल्याचे उघड केले होते यानंतर तो सतत गौरीसोबत स्पॉट होतो. आताही एक त्याचा व्हिडीओ सोशल मीडियावर व्हायरल होताना दिसत आहे. हा व्हिडीओ पाहून नेटकरीही हैराण झाले आहेत.
बॉलिवूडचा मिस्टर परफेक्शनिस्ट आमिर खान त्याच्या वैयक्तिक आयुष्याबद्दल सतत चर्चेत असतो. आमिरने अलीकडेच त्याच्या आयुष्यात प्रेम तिसऱ्यांदा आले असल्याची कबुली दिली होती. आमिरने त्याच्या वाढदिवसादिवशी गौरी स्प्राट आणि त्याच्या नात्याबद्दल खुलासा केला होता. त्यानंतर तो बऱ्याचदी गौरीसोबत दिसला आहे. दरम्यान, आता आमिर खानचा एक नवीन व्हिडिओ चर्चेत आला आहे. या व्हिडिओमध्ये, आमिर गर्लफ्रेंड गौरीसोबत दिसला. हा व्हिडीओ सध्या चर्चेचा विषय ठरला आहे.
आमिर खान गर्लफ्रेंडसोबत एक्स पत्नीच्या घराबाहेर स्पॉट
या व्हिडिओमध्ये आमिर खान त्याची एक्स पत्नी रीना दत्ताच्या घराबाहेर गर्लफ्रेंड गौरी स्प्राटसोबत दिसला. विशेष म्हणजे त्यावेळी त्याचा मुलगा जुनैद खानही त्याच्यासोबत होता. हा व्हिडिओ सोशल मीडियावर समोर आल्यानंतर, इंटरनेटवर अनेक कमेंट्सही दिसत आहेत.युजर्य विविधप्रकारच्या प्रतिक्रिया देताना दिसत आहे. काहींनी तर आश्चर्य व्यक्त केलं आहे, तर काहींनी म्हटले आहे की आमिरच्या कुटुंबाला त्याच्या नवीन नात्याबद्दल कोणतीही अडचण कशी काय नाही?
आमिर आणि गौरीसोबत लेक जुनैदही दिसला
एक्स पत्नी रीना दत्ताच्या घराबाहेर आमिर खानला गर्लफ्रेंड गौरीसोबत पाहून एका युजरने कमेंट केली आहे की, ‘किती अनोखे कुटुंब आहे.’ तर दुसऱ्याने लिहिले आहे की, ‘आमिर खान, कृपया आता थांबा.’ व्हिडिओचा कमेंट बॉक्स अशाच कमेंट्सनी भरलेला दिसत आहे. दरम्यान यावेळी जुनैदही आमिर आणि गौरीसोबतही दिसला.
View this post on Instagram
आमिरचा हा व्हिडीओ पाहून नेटकरीही हैराण
आमिर खानने गेल्या महिन्यात त्याच्या वाढदिवसानिमित्त त्याच्या नात्याची पुष्टी केली होती. त्याने त्याच्या 60 व्या वाढदिवसादिवशी त्याच्या नात्याबद्दल सांगितलं आहे. स्वत:च्या वाढदिवसानिमित्त माध्यमांना तिची ओळख करून देताना तो म्हणाला होता ‘तुम्हा सर्वांशी तिची ओळख करून देण्याची ही एक चांगली संधी आहे असे मला वाटले. मग आम्हालाही लपूनही राहावे लागणार नाही. ती बंगळुरूची आहे आणि आम्ही एकमेकांना 25 वर्षांपासून ओळखतो. ती मुंबईत होती आणि आम्ही योगायोगाने भेटलो. आम्ही संपर्कात राहिलो आणि आता आम्ही एकत्र आहोत. हे सर्व योगायोगाने स्वतःहून घडले.” असं म्हणत त्याने त्याचं प्रेम व्यक्त केलं आहे.
आमिर गौरी स्प्राटसोबत अनेकदा स्पॉट होतो
त्यामुळे आता आमिर गौरी स्प्राटसोबत अनेकदा दिसत आहे. दोघेही पहिल्यांदाच मुंबईत एकत्र दिसले. तसेच आमिर खान गौरीसोबत दिसण्याची ही पहिलीच वेळ नाही. अलिकडेच आमिर खानने त्याची प्रेयसी गौरीसोबत शिखर धवनच्या घरीही भेट दिली होती.
