नावाची घोषणा होताच पुरस्कार घेण्यासाठी धावली अभिनेत्री, त्यानंतर हजारो लोकांसमोर घडली धक्कादायक घटना

Actress Jessica Chastain Fell Down On Stage : वर्षभर मेहनत करून कलाकारांना पुरस्कार सोहळ्याबद्दल असलेली उत्सुकता शिगेला पोहोचलेली असते. त्यामुळे अभिनेते, अभिनेत्री एकपेक्षा एक ग्लॅमरस ड्रेस घालून पुरस्कार सोहळ्यात प्रवेश करतात. अशावेळी प्रत्येकाची नजर अभिनेत्रींच्या ड्रेसकडे असते. पण कधी-कधी ग्लॅमरस ड्रेस घालणं अभिनेत्रींना महागात पडतं. आता देखील असचं काही झालं आहे. नुकताच लॉस एंजेलिसमध्ये पार पडलेल्या 29व्या स्क्रीन अ‍ॅक्टर्स गिल्ड अवॉर्ड्समध्ये अभिनेत्री जेसिका चॅस्टेन (Jessica Chastain) हिच्यासोबत असंच काहीसं घडलं. ज्याचा व्हिडीओ आता सोशल मीडियावर तुफान व्हायरल होत आहे. सध्या सर्वत्र जेसिका चॅस्टेन हिच्या व्हिडीओची चर्चा आहे. (SAG Awards 2022)

पुरस्कार सोहळ्यात जेसिका हिने लाल रंगाचा गाउन घातला होता. जो प्रचंड फ्रिल होता. ‘जॉर्ज एन्ड टॅमी’ मधील दमदार अभिनयासाठी जेसिकाला सर्वोत्कृष्ट महिला अभिनेत्याचा पुरस्कार प्रदान करण्यात आला. ज्यामुळे जेसिका प्रचंड आनंदी होती. स्वतःच्या नावाची घोषणा झाल्यानंतर जेसिका पुरस्कार स्वीकारण्यासाठी स्टेजवर जात असताना अभिनेत्रीचा गाऊन तिच्या पायात अडकला आणि ती खाली पडली.

हे सुद्धा वाचा

‘या’ एका अटीनंतर Bigg Boss 16 फेम शिव ठाकरे कोणत्याही मुलीसोबत लग्न करण्यासाठी तयार

JESSICA CHASTAIN!!!! #SAGAwards pic.twitter.com/FZWzjSNvTO

— best of jessica chastain (@bestofchastains) February 27, 2023

या घटनेनंतर देखील जेसिका तितक्यात अत्मविश्वासाने उभी राहिली आणि पुरस्कार स्वीकारण्यासाठी स्टेजवर पोहोचली. पुरस्कार सोहळ्यात घडलेल्या घटनेबद्दल खुद्द अभिनेत्री जेसिका हिने स्पष्टीकरण दिलं आहे. सध्या सर्वत्र जेसिका हिची चर्चा आहे. जेसिकाचा व्हिडीओ सध्या सोशल मीडियावर तुफान व्हायरल होत आहे. (jessica chastain oscar isaac)

अभिनेत्री जेसिका म्हणाली, ‘असं काही होईल याचा मला अंदाज नव्हता. मी पायऱ्यांवर गेली, माझा पाय ड्रेसमध्ये अडकला. नशीब हे कोणाला माहिती झालं नाही. पण तिथे उपस्थित असलेल्या काही चांगल्या लोकांनी माझी मदत केली. त्यांच्यामुळे मी पुन्हा उभी राहू शकली…’ असं वक्तव्य जेसिकाने केलं. (jessica chastain movies netflix)

अमेरिकेतील लॉस एंजेलिस येथील फेअरमॉन्ट सेंच्युरी प्लाझा येथे हा पुरस्कार सोहळा पार पडला. 29 व्या वार्षिक स्क्रीन अ‍ॅक्टर्स गिल्ड अवॉर्ड्समध्ये वर्षातील उत्कृष्ट कामगिरी करणाऱ्या सेलिब्रिटींचा पुरस्कार देवून सन्मान करण्यात आला… पण पुरस्कार सोहळ्यात जेसिकासोबत घडलेल्या घटनेमुळे पुरस्कार सोहळा चर्चेत राहिला.