अर्जुन कपूरची बहीण अंशुलाचा ‘मिस्ट्री मॅन’ आहे तरी कोण? दोघांचे फोटो व्हायरल
कोण आहे मिस्ट्री मॅन रोहन? ज्याला अर्जुन कपूरची बहीण अंशुला करतेय डेट
मुंबई: अभिनेता अर्जुन कपूर नेहमीच त्याच्या खासगी आयुष्याबद्दल मोकळेपणे व्यक्त होतो. मलायका अरोरासोबतचं त्याचं नातं जगजाहीर आहे. याचसोबत तो वारंवार सोशल मीडियाद्वारे बहीण अंशुला कपूर हिच्यावरही कौतुकाचा आणि प्रेमाचा वर्षाव करत असतो. सध्या अंशुला तिच्या डेटिंग लाइफमुळे चर्चेत आहे. नुकतेच तिने इन्स्टाग्रामवर मिस्ट्री मॅनसोबताचा व्हिडीओ शेअर केला आहे, ज्यानंतर तिच्या रिलेशनशिप स्टेटसविषयी चर्चा होऊ लागली आहे.
कोणाला डेट करतेय अंशुला?
या व्हायरल व्हिडीओमध्ये अंशुला कपूर ही रोहन ठक्करसोबत पहायला मिळतेय. व्हेकेशनदरम्यानचा हा दोघांचा व्हिडीओ आहे. या व्हिडीओत ती रोहनसोबत अत्यंत आनंदी असल्याचं दिसतंय. रोहनच्या वाढदिवसानिमित्त तिने हा व्हिडीओ पोस्ट केला होता आणि तो तिचा सर्वांत ‘फेव्हरेट बॉय’ असल्याचं तिने कॅप्शनमध्ये लिहिलंय.
अंशुलाच्या या व्हिडीओवर मलायका अरोरा, महीप कपूर आणि संजय कपूर यांनीसुद्धा कमेंट करत रोहनला वाढदिवसाच्या शुभेच्छा दिल्या आहेत. त्यामुळे अंशुला आणि रोहन एकमेकांना डेट करत असल्याची जोरदार चर्चा आहे.
View this post on Instagram
कोण आहे मिस्ट्री मॅन रोहन ठक्कर?
अंशुलाचा हा ‘फेव्हरेट बॉय’ रोहन ठक्कर आहे तरी कोण, असा प्रश्न अनेकांना पडला आहे. रोहन हा स्क्रीनरायटर आहे. त्याने अद्याप बॉलिवूडमध्ये काम केलं नाही, मात्र इतर भाषांमधील प्रोजेक्ट्सवर त्याने स्क्रीनरायटर म्हणून काम केलं आहे. अंशुलाने याआधीही तिच्या इन्स्टाग्रामवर रोहनसोबतचे फोटो पोस्ट केले आहेत.
अंशुला आणि रोहन या वर्षाच्या सुरुवातीपासून एकमेकांना डेट करत असल्याचं म्हटलं जातंय. अंशुलाच्या कुटुंबीयांनाही या रिलेशनशिपबद्दल कल्पना आहे. अंशुला ही बोनी कपूर आणि त्यांची पहिली पत्नी मोना शौरी कपूर यांची मुलगी आहे.
