लग्नानंतर एकाच दिवसात अभिनेत्री हैराण; डिलिट केले लग्नाचे फोटो, सांगितलं कारण

‘बिग बॉस’च्या आठव्या सिझनमध्ये भाग घेतलेली अभिनेत्री रेनी ध्यानी सध्या तिच्या खासगी आयुष्यामुळे चर्चेत आली आहे. रेनीने नुकतंच लग्न केलं आणि सोशल मीडियावर फोटो पोस्ट करत तिने चाहत्यांना ही आनंदाची बातमी सांगितली. मात्र त्यानंतर तिच्यासोबत असं काही झालं, ज्यामुळे तिच्या मनात प्रचंड चिंता निर्माण झाली. अखेर रेनीने दुसऱ्याच दिवशी लग्नाचे सर्व फोटो सोशल मीडियावरून डिलिट केले. रेनी तिच्या लग्नात खुश नाही, असा अंदाज नेटकऱ्यांनी व्यक्त केला. मात्र नंतर तिने खुद्द एक पोस्ट लिहून त्यामागचं खरं कारण सांगितलं आहे.

5 जुलै रोजी रेनी ध्यानीने इन्स्टाग्रामवर पोस्ट लिहून सांगितलं की तिने अरेंज मॅरेज केलं आहे. लग्नाचे फोटो शेअर करत तिने कॅप्शनमध्ये लिहिलं, ‘अरेंज मॅरेजचं रुपांतर लव्ह मॅरेजमध्ये झालं, जेव्हा त्यांच्यातील दुरावा एका छोट्याशा हास्याने मिटलं गेलं.’ या फोटोंमध्ये रेनी तिच्या पतीसोबत अत्यंत सुंदर दिसत होती. तिने तिचा व्हिडीओसुद्धा शेअर केला होता. ‘जेव्हा तुम्हाला कळतं की काही दिवसांतच तुम्ही तुमच्या पतीसोबत प्रत्येक गोष्टीबद्दल गप्पा मारताना दिसणार आहात’, असं तिने या व्हिडीओच्या कॅप्शनमध्ये लिहिलं होतं. रेनीच्या या पोस्टवर नेटकऱ्यांकडून शुभेच्छांचा वर्षाव झाला. मात्र अचानक रेनी त्रस्त झाली आणि तिने लग्नाचे फोटोच डिलिट केले.

हे सुद्धा वाचा

‘आधी तिला चहासुद्धा विचारायचे नाही, नंतर..’; तृप्ती डिमरीविषयी काय म्हणाला सिद्धांत?

अंबानी कुटुंबाच्या ‘या’ सूनेसाठी संजय दत्तने रागात फाडले होते एका व्यक्तीचे कपडे; काय आहे किस्सा?

‘कुछ कुछ होता है’मधील छोटी अंजली 26 वर्षांत इतकी बदलली; ट्रान्सफॉर्मेशन पाहून तुम्हीही थक्क व्हाल!

ऐश्वर्या रायबद्दल इमरान हाश्मीची वादग्रस्त टिप्पणी; अखेर अभिनेता माफी मागण्यास तयार

View this post on Instagram

A post shared by Renee Dhyani (@reneedhyanz)

रेनीने इन्स्टाग्रामवर आणखी एक पोस्ट लिहित यामागचं खरं कारण सांगितलं आहे. लग्नाच्या पोस्टनंतर सतत फोन कॉल्स आणि मेसेज येत असल्याने ती अस्वस्थ झाली होती. त्यामुळे तिने सर्व फोटो डिलिट केले. ‘गैरसोयीबद्दल दिलगिरी व्यक्त करते. तुम्हा सर्वांनी दिलेल्या शुभेच्छांबद्दल धन्यवाद. मात्र योग्य वेळी योग्य पद्धतीने गुड न्यूज शेअर केली जाईल. इतके कॉल्स, इतके मेसेज पाहून मी अस्वस्थ झाले’, असं तिने लिहिलं.

रेनी ध्यानीला ‘एमटीव्ही रोडीज’ आणि ‘बिग बॉस 8’ या शोजमुळे प्रसिद्धी मिळाली. त्यानंतर ती अनेक टीव्ही शोज आणि मालिकांमध्ये झळकली. यामध्ये चंद्रकांता, ये तेरी गलियाँ, आपकी नजरों ने समझा यांचा समावेश आहे.