Diwali 2024: बॉलिवूडच्या ‘या’ गाण्यांशिवाय दिवाळी अधुरी, 5 वं गाणं आजही सर्वांचं फेव्हरेट

Diwali 2024: देशभरात दिवाळीचा उत्साह पाहायला मिळत आहे. दिवाळीच्या मुहूर्तावर घरांच्या भिंती दिव्यांनी उजळून निघाल्या असून मिठाईच्या गोडव्याबरोबरच लहान मुलंच नाही तर, प्रत्येक जण फटाके फोडण्यास उत्सुक आहेत. पण बॉलिवूडच्या गाण्यांशिवाय प्रत्येक सण अधुरा आहे. बॉलिवूडने प्रेक्षकांना अशी काही गाणी दिली आहे त, त्यामुळे दिवाळीची रंगत आणखी वाढवणार आहेत. तर आजच्या मुहूर्तावर दिवाळीचे काही खास आणि गाजलेली गाणी ऐकू…

‘दीप दिवाली के झूठे’ – 1960 साली प्रदर्शित झालेल्या ‘‘जुगनू’’ सिनेमात एक दिवाळीचं गाणं आहे. दिग्गज गायक मोहम्मद रफी यांनी गायलेले, हे गाणे दिवाळीच्या सणाचं सार सुंदरपणे कॅप्चर करतं. ‘दीप दिवाली के झूठे’ असं गाण्याचं नाव आहे.

‘एक वो भी दिवाली थी’ – हे गाणं 1961 मध्ये प्रदर्शित झालेल्या ‘नजराना’ सिनेमातील आहे. मुकेश यांनी गायलेल्या या गाण्याचे बोल राजेंद्र कृष्ण यांनी लिहिले असून संगीत दिग्दर्शक रविशंकर शर्मा यांनी गाणं संगीतबद्ध केलं आहे. राज कपूर, वैजयंती माला, उषा किरण, जेमिनी गणेशन आणि आघा यांसारख्या दिग्गज कलाकारांवर गाणं चित्रित करण्यात आलं.

‘चिरागों के रंगीन दिवाली’ – गाण साम्रादनी लता मंगेशकर याचं क्लासिक ट्रॅक देखील ‘नजराना’ सिनेमातील आहे.

‘आई है दिवाली’ – 2001 मध्ये प्रदर्शित झालेल्या आमदानी अथन्नी खर्चा रुपैया सिनेमातील हे गाणं आजही प्रचंड गाजतं. उदित नारायण, अलका याज्ञिक, कुमार सानू, शान, केतकी दवे आणि स्नेहा पंत यांनी गायले आहे.

‘मेरे तुम्हारे सबके लिए हैप्पी दिवाली’ – हे गाणं आजही प्रचंड गाजत आहे. 2005 मध्ये प्रदर्शित झालेल्या ‘होम डिलिव्हरी: आपको…घर तक’ सिनेमातील हे गाणं आहे. . वैशाली, सुरथी, दिव्या, सूरज आणि सुनिधी चौहान यांनी गायलेल्या या गाण्याचे बोल विशाल ददलानी यांनी लिहिले आहेत.