दिवंगत अभिनेत्याच्या पत्नीचं निधन; कुटुंबावर कोसळला दुःखाचा डोंगर

मुंबई | 2 डिसेंबर 2023 : बॉलिवूड विश्वातून एक धक्कादायक बातमी समोर येत आहे. बॉलिवूडचे दिवंगत अभिनेते राजकुमार यांच्या कुटुंबावर दुःखाचा डोंगर कोसळला आहे. राजकुमार यांच्या पत्नी गायत्री पंडीत यांचं निधन झालं आहे. 28 नोव्हेंबर रोजी गायत्री पंडीत यांनी अखेरचा श्वास घेतला. गायत्री पंडीत यांच्या निधनाची सर्वत्र चर्चा सुरु आहे. गायत्री पंडीत यांच्या निधनामुळे कुटुंबात दुःखाचं वातावरण आहे. राजकुमार यांचं निधन 27 वर्षांपू्र्वी झालं आहे. कर्करोगामुळे राजकुमार यांचं निधन झालं होतं. 3 जुलै 1996 मध्ये राजकुमार यांनी अखेरचा श्वास घेतला होता.

राजकुमार यांच्या पत्नी गायत्री पंडित यांच्या मृत्यूचे कारण अद्याप स्पष्ट झालेलं नाही. वृद्धापकाळाने गायत्री पंडीत यांचं निधन झाल्याची माहिती मिळत आहे. सध्या सर्वत्र फक्त आणि फक्त गायत्री पंडीत यांच्या निधनाची चर्चा सुरु आहे. राजकुमार आणि गायत्री यांना पारू राज कुमार, पाणिनी राज कुमार आणि मुलगी वास्तविकता पंडित अशी तीन मुले आहेत.

आधी वडील आणि आता आईचं निधन झाल्यामुळे राजकुमार आणि गायत्री यांच्या मुलांना मोठा धक्का बसला आहे. सोशल मीडियाच्या माध्यमातून अनेक जण गायत्री पंडीत यांना श्रद्धांजली वाहत आहेत. राजकुमार यांच्या पत्नी म्हणून गायत्री पंडीत झगमगत्या विश्वात ओळख होती. पण आता त्यांच्या निधनांमुळे बॉलिवूड विश्वातील अनेकांना मोठा धक्का बसला आहे.

हे सुद्धा वाचा

शेवटच्या क्षणापर्यंत सिद्धार्थ शुक्लाच्या जवळ होती शहनाज गिल, तेव्हा नक्की काय घडलं? अनेक वर्षांनंतर सत्य समोर

‘इरफान पठाणसोबत रिलेशनशिपमध्ये असताना गौतम गंभीर सतत…’, बॉलिवूड अभिनेत्री धक्कादायक दावा

अपयशानंतर अभिनेत्रीने स्वीकारला देह व्यापाराचा मार्ग; अंत अत्यंत धक्कादायक, निधनाने इंडस्ट्री हादरली

‘महिलांना पुरुषांची गरज असते कारण…’, नीना गुप्ता पुरुषांना असं काय म्हणाल्या ज्यामुळे…

राजकुमार यांचे सिनेमे

राजकुमार यांचं जन्म कुलभूषण पंडीत यांच्या घरी झाला होता. बॉलिवूडमधील राजकुमार यांचा प्रवास देखील फार खास होता. अनेक हीट सिनेमे राजकुमार यांनी बॉलिवूडला दिले. राजकुमार यांच्याबद्दल हैराण करणारी गोष्ट म्हणजे, ते इन्स्पेक्टर म्हणून नोकरी करत होते. पण पोलिसांतील नोकरी सोडून त्यांनी मुंबई याठिकाणी येवून बॉलिवूडमध्ये स्वतःची भक्कम ओळख निर्माण केली.

राजकुमार यांनी ‘तिरंगगा’, ‘सौदागर’, ‘हीर रांझा’, ‘पाकिझा’, ‘मदर इंडिया’, ‘वक्त’, ‘नील कमल’, ‘जवाब’, ‘लाल पत्थर’, ‘झिंदगी’, ‘काजल’, ‘राज तिलक’, ‘साजीश’, ‘घराणा’ यांसारख्या अनेक सिनेमांमध्ये महत्त्वाची भूमिका बजावत चाहत्यांचं मनोरंजन केलं. आजही चाहते राजकुमार यांचे सिनेमे तितक्याच आवडीने पाहातात. शिवया राजकुमार यांच्यावर चित्रित करण्यात आलेली काही गाणी आजही चाहत्यांमध्ये लोकप्रिय आहेत.